미등록 외국인을 위한 건강보험 제도 안내

Бүртгэлгүй гадаад ажилчдад зориулсан эрүүл мэндийн даатгалын танилцуулга

Үндэсний эрүүл мэндийн даатгалаас эмчилгээний нөхөн олговрын мөнгө гэх зэрэг даатгалд хамрагдаж чадаагүй байгаа солонгос хүнтэй гэр бүл бологсод ба тэдний хүүхдүүд, мөн гадаад ажилчид буюу тэндийн хүүхдүүд, орон гэргүй хүмүүс (нийгмийн доод давхаргын хүмүүс) гэх мэтээр үйлчлүүлж болно.

Эмнэлэгт хэвтэхээс авахуулаад эмнэлгээс гарах хүртэлх хоорондын эмчилгээний төлбөр мөн амбулаторт хийлгэх жижиг мэс заслын төлбөрийг хийж өгнө.

1. Үнэ төлбөргүй эмчилгээнд хамрагдагч      

※ Солонгост 90-ээс дээш хоногоор оршин суун амьдарч буй гадаад хүн мөн тэдний хүүхдүүд нь эрүүл мэндийн даатгалд хамрагдаж чадаагүй тохиолдолд

※ Солонгос хүнтэй гэрлэсэн ба солонгост амьдарч байгаа боловч иргэний харьяалалаа авч чадаагүй гадаад эмэгтэйчүүд болон тэдний хүүхдүүд

2. Үнэ төлбөргүй эмчилгээгээр туслах ба түүний агуулга

Эмнэлэгт хэвтэхээс авахуулаад эмнэлгээс гарах хүртэлх гарч буй эмчилгээний төлбрийг төлнө. Зөвхөн нэг удаагийн эмчилгээний төлбөр нь 10 саяаас илүү гарах тохиолдолд 10 саяаас илүү гарсан төлбөрийн хэмжээнийг 80%-ийг туслан хийж өгнө.

Тэтгэлгийн мөнгийг эмчилгээний (эрүүл мэндийн) даатгалын мөнгө болгон амбулаторын үзлэгт олгохгүй. Мөн эмнэлгийн ердийн өрөө биш тусгай өрөөг хэрэглэх тохиолдолд нэмэлт зардал болгон тэтгэлэг олгохгүй. Эмчээ сонгон эмчилгээ хийлгүүлэх тохиолдолд сонгон эмчилгээний төлбөрийг бас олгохгүй болно.

3. Үнэ төлбөргүй эмчилгээг явуулах байгууллага

■ Хөдөө орон нутгын эмнэлэг, улаан загалмайн эмнэлэг, улсын төв эмнэлэг

■ Эмнэлгийн хуулийн дагуу шинээр байгуулагдсан эмнэлгүүдийн дундаас үнэ төлбөргүй эмчилгээ гүйцэтгэх зориулалттай эмнэлгийн байгууллага (Үнэ төлбөргүй эмчилгээ хийх эмнэлгийн байгууллага”гэж хэлнэ.) –аар бүртгэгдсэн эмнэлгийн байгууллага байх

-Засаг захиргааны бүсэд харьяалагдах хот, аймаг дүүрэгт үйлчилгээ явуулах хүсэлтээ гарган, хот аймгийн салбараас үнэгүй, эмчилгээний үйл ажиллагаа явуулахыг зөвшөөрсөн эмнэлгийн удирдах байгууллгаар батлагдсан эмнэлгийн байгууллага байх

4. Хэрэгтэй бичиг баримт:

Паспорт болон гадаад иргэний үнэмлэхын хуулбар, цээж зураг гэх мэт.

민간의료지원 안내

Төрийн бус байгууллагийн эмнэлгийн үйлчилгээг дэмжих ажлын танилцуулга

이주노동자 의료공제회에 가입하려면?

１．Гадаад ажилчдын төлөөх Эмчилгээний Харилцан Туслалцааны Холбоо

Албан газрын ба бүс дүүргийн эрүүл мэндийн даатгалд элсээгүй байгаа гадаад

ажилчин хүн та ажиллаж амьдарч буй газрын ойролцоох зөвлөлгөө өгөх төв хаана байгаа эсэхыг магдалсныхаа дараа доорхтой адил бичиг баримтыг бэлтгэх хэрэгтэй.

1）Паспортын хуулбар

2）Зураг (паспортын зураг) 2 хувь

3）Гишүүнд элсэх 10,000вон + эхний сарын гишүүний хураамж 6,000вон  =  16,000вон.

２．Эмчилгээний Харилцан Туслалцах Холбооны даатгалд та элссэнээр ямар хөнгөлөлтыг авч

болох вэ?

１）Эмчилгээний Харилцан Туслалцах Холбооны даатгалд элссэнийхээ дараа

① Гишүүнд элссэний дараа харьяалагдах хувийн эмнэлэгт нийт эмчилгээний зардлын 60-70%-ийн хөнгөлөлт үзүүлнэ.

② Харьяалагдах нэгдсэн эмнэлгийн хувьд нийт эмчилгээний зардлын 40%-ийн хөнгөлөлттэй үзүүлнэ.

２）Эмчилгээний Харилцан Туслалцах Холбооны даатгалд элсэн 3-сар болсоны дараагаас

① Харьяалагдах хувийн эмнэлэгт нийт эмчилгээний зардлын 60-70%-ийн хөнгөлөлттэй үзүүлж болно.

② Харьяалагдах хувийн эмнэлэг ба нэгдсэн эмнэлгээр үйлчлүүлж хэвтэх, мэс засал хийлгэсэн тохиолдолд нийт эмчилгээний төлбөрөөс хоолны үнэ ба өвчтөний өрөөний үнээ хасаад үлдсэн мөнгөний 50% хүртэл буцаан авах боломжтой.

３）Дараахи тохиолдолд эмчилгээний төлбөр юуны түрүүнд хийгдэх болно.

① Дотрын хурц өвчнөө эмчлүүлэх шаардлагтай өвчтөнд яаралтай түргэн тусламж

② Яаралтай хагалгаанд орох шаардлагтай өвчтөнд

③ 72-р цагийн дотор мэс засал зэрэг яаралтай эмчилгээ хийлгэх шаардлагтай өвчтөнд

４）Төрөлт, кесеревийн хагалгаа хийлгэх мөн өөрөөрөө төрөх тохиолдолд хэдэн удаа нь хамааралгүйгээр эмчилгээний төлбөр нь хийгдэх бөгөөд өөрөөрөө төрсөн тохиолдолд нэг удаа 200,000вон, кесеревийн хагалгаа хийлгэсэн тохиолдолд нэг удаа 400,000вон олгогдох болно.

Харин үр хөндөх тохиолдолд эмчилгээний төлбөр хийгдэхгүй болно.

５）Нэг хүнд ноогдох хамгийн дээд талын нөхөн олговор нь 1,000,000вон.

６）Эмчилгээний төлбрийг хүссэн өргөдөл гаргах арга:

Эмчилигээний мөнгө хүссэн өрөгдөл 1хувь, эмчилгээний төлбөр төлсөн төлбрийн хуудас 1 хувь, гишүүний картын хуулбар мөн паспортын хуулбар зэрэг баримтуудаа бэлтгэн анх гишүүнээр элссэн зөвлөлгөө өгөх төв буюу эмчилгээний байгууллагийн нийгмийн халамжийн төвөөр дамжуулан өргөдлөө гаргана.

３．Эмчилгээний төлбөрийн тэтгэлэг олгогдохгүй тохиолдол

１）Эхлээд 3-н сарын хугацаа өнгөрсөн ч амбулаторийн үзлэг рентген зураг зэрэг өндөр үнэтэй шинжилгээнээс бусад шинжилгээнд төлбрийн тэтгэлэг олгохгүй.

２）Аж үйлдвэрийн ослийн үед ажил олгогч нь хохирлийг нөхөн барагдуулах үүрэгтэй учир тэтгэлэг олгохгүй.

３）Хүчирхийлэл бусдын биед хохирол учруулсан, өөрөө хохирол учруулсан амиа хорлох болон автын осолд орох тохиолдолд тэтгэлэг олгохгүй болно.

Гэхдээ хохирол учруулсан юмуу хохирогч нь төлбрийн чадваргүй тохиолдолд үүнийг гэрчлэх материал хавсарган өргөдөл гаргавал удирдах хорооноос тэтгэлэг олгох эсэхийг дахин шалгаж үзнэ.

４）Сүрьеэ, уяман өвчин, дох гэх мэт улсын хяналтанд байдаг өвчинд тэтгэлэг олгогдохгүй боловч туслах байгууллагаас эмчилгээ хийлгэх боломжтой байгууллагийг зааж өгөх болно.

５）Гоо сайхны мэс засал, арьс өнгө, мөн шүдний эмгэгийн тохиолдолд эрхтэний үйл ажиллагаанд нь ямар нэгэн асуудал гаргаагүй бол тэтгэлэг олгохгүй.

６）Чихний архаг үрэвсэл, хамрын архаг үрэвсэл, хорт хавдар, диск мэдрэлийн талын шинж тэмдэг илрээгүй диск үе мөчний үрэвсэл гэх мэтэд тэтгэлэг олгохгүй.

Зөвхөн хорт хавдрыг эмчлүүлэх явцад хавсарсан өвчин үүссэн тохиолдолд анх гишүүнээр элссэн зөвлөлгөө өгөх төвөөр дамжуулан манай холбооноос эмчилгээний төлбөрийг хүсэж болно.

４．Гадаад ажилчний хүүхэд бас хөнгөлөлт авах боломжтой юу?

Гишүүн гэрлэн гэр бүлтэй болсон ч эхнэр нөхөр тус тусын эрхтэйгээр уг холбоонд элсэх боломжтой бөгөөд 12-оос доош бага насны хүүхэд нэг хүнд хамрагдан уг байгууллагийн маягтын дагуу эцэг эхийн асрамжинд байхаар тогтоож болно.

Мөн 12-оос доош насны бага насны хоёр хүүхэд хүртэл тус бүр эцэг, эхийнхээ гишүүний картаар тэтгэлэг аван эмчилгээний хөнгөлөлтыг эдлэх боломжтой юм.

５．Ямар ч эмнэлгээр үйлчлүүлж болох уу?

Та бүхэн энэ картаар манай холбоотой туслан хамтарч ажиллаж байгаа тогтсон харьяалалттай эмнэлгээр л үйлчлүүлэх боломжтой бөгөөд эмнэлэгт үзүүлэхээсээ өмнө ойрхон байдаг манай холбоо болон салбар байгууллага зөвлөлгөө өгөх төвтэй холбогдон зохистой эмнэлгийн байгууллагийн танилцууллагийг авах хэрэгтэй.

Уг холбооны талаар асууж лавлах зүйлээ ойрхон зөвлөлгөө өгөх төв юмуу эсвэл “Солонгосын гадаад ажилчдын эрүүл мэндийн холбоо”-ний албан тасалгааруу шууд ярьж болно.

Уг танилцуулгын талаар тодорхой мэдхыг хүсвэл доорх утасруу залгана уу.

Утасны дугаар:  02-3785-0422,  02-795-5504

Хөдөлмөр хүний эрхийн төв

Гадаад ажилчдын хүний эрхийн цуглаан