Мэргэжлийн сүмод монгол залуус хүч сорьж эхэлсний 20 жилийн ой энэ жил тохиож байна. Энэхүү тэмдэглэлт ойд зориулсан нэгэн шинэ ном худалдаанд гарлаа. Монголын хүчит хөвгүүд харь орны үндэсний бөхөд анх хэрхэн хүч үзэх болсон, яаж эзэгнэсэн талаар сэтгүүлч М.Сугар-Эрдэнийн бичсэн “Сүмод шингэсэн монгол хөлс” номноос та уншиж болно.

Монголчууд анх сүмо барилдсан 1992 оны гуравдугаар сараас 2012 оны гуравдугаар сарын тэмцээн хүртэлх 20 жилийн хугацаанд Японы мэргэжлийн сүмогийн дохёон дээр 52 монгол бөх барилджээ. Тэдний цаг үе, тэвчээр хатуужил, барилдааны амжилт, хийж байсан мэх, даваа унааны үзүүлэлт, олны сэтгэгдэл, тэр л агшин, тэр л сэтгэгдэл зэргийг нь мөнхлөн үлдээсэн ярилцлага, нийтлэлүүдийг танд толилуулж байна.