Түүнээс гадна хар тамхи зөөсөн, бусдад дамжуулахыг оролдсон 15 иргэн Хятадын шүүхийн шийдвэр хүлээж байна. “Үхэл тээсэн мөртэй гутамшигт хэрэг үйлдсэн хэнийг ч Монголын төр өршөөхгүй. Тиймээс ч хар тамхи зөөсөн, тээсэн, хадгалсан, бусдад дам жуулсан гэхмэтчилэн ямар нэгэн байдлаар холбогдсон иргэнийг өр шөөл үзүүлэхгүй байх тухай тусгай хууль санаачилж, энэ хаврын чуулганаар батлуулахаар хичээж ажиллах болно. Хар тамхи зөөсөн эгч дүүс сарын өмнө эх орондоо ирсэн. Тэднийг өршөөж байгаа гэж ойлгож болохгүй.

Урд хөршийн хууль хяналтын байгууллагынхантай ярьж, тохиролцож эх оронд нь авчирсан ч тэд гэм буруутай үйлдлийнхээ ялыг Монголын хуулиар үргэлжлүүлэн эдлэх ёстой. Түүнээс гадна хар тамхи зөөсөн монголчуудын 70 хувь нь Малайзын нийслэл Куала Лумпур хотоос ирээд Хятадын хил дээр саатуулагдсан байх юм. Монголчууд Ма лайз руу визгүй зорчдог нь хар тамхи зөөх замыг нээж өгч байна. Иймд визтэй болгохыг Гадаад харилцааны сайдад үүрэг болгоод байгаа. Хар тамхи, мансууруулах бодис хэрэг лэсэн хүүхдүүдийн 70 хувь нь найз нөхдийн хүрээнд хэрэг лэдэг гэж мэдүүлжээ. Хар тамхи хаалга тогшилгүй орж ирдгийг бид мэдэж байгаа. Тиймээс өнөөдрөөс эхлэн эцэг, эхчүүд сэрэмжтэй байж, хар тамхины хор уршгийг хүүхд үүддээ хэлж өгч анхааралтай байхыг сануулж, уриалж байна” гэж Ерөнхийлөгч хэллээ.