1998-аас 2008 оныг хүртэл “Таван цагариг” сонинд ажиллаж байсан спортын сэтгүүлч Н.Энхбаяр дэлхийд алдар суугаа мандуулсан тамирчдын тухай номнуудыг монголд хэлэндээ хөрвүүлэн спорт сонирхогчдын хүртэл болгосоор ирсэн. Тухайлбал, тэрбээр NBA-гийн супер одод Майкл Жордан болон Аллен Айверсоны номыг уншигчдадаа барьсан. Үүний зэрэгцээ спортын хөгжөөн дэмжигчдэд зориулж ”Гоол” сэтгүүлийг гурван жилийн турш эрхлэн гаргаж байлаа. Тэгвэл өнөөдөр www.gool.mn вэб сайтыг бие даан ажиллуулж байгаа ажээ.

Испанийн алдарт "Барселона" баг, түүний лидер Мессигийн шүтэн бишрэгчдэд нэгэн таатай мэдээ дуулгахад, дэлхийн шилдэг хөлбөмбөгчин Лионель Мессигийн тухай сэтгүүлч Лука Кайолигийн бичсэн намтрыг Н.Энхбаяр орчуулан спорт сонирхогчдын хүртээл болгож байна. Энэхүү гайхалтай тоглогчийн бага нас, дунд сургуульд суралцаж байсан үе, балчир ахуйдаа “Барселона“ багт ирсэн агшин, түүнээс хойш од болон гялалзсан мөч гэх мэт бүхий л түүхийг зохиолч Л.Кайола номондоо тун дэлгэрэнгүй, баримт материал арвинтайгаар хүүрнэсэн байна.

Түүнчлэн тэрбээр Мессигийн амьдралын чухал үе бүрт хамтдаа байсан гэр бүлийнхэн, найз нөхөд, хамтдаа тоглож байсан багийн андууд, дасгалжуулагч, хөлбөмбөгийн зүтгэлтэнүүдтэй нэг бүрчилэн уулзаж ярилцсан өөрийн номоо бусдаас ялгарах онцлогтойгоор бүтээжээ. Мессигийн тухай бичигдсэн цор ганц гэж тодорхойлж болохоор энэ ном дэлхийн зах зээлд өндөр эрэлт хэрэгцээтэй байгаа тул уг бүтээлийг эрэлхийлэх Монголын хөлбөмб өг сонирхогчид олон байгаа юм.