Бичлэгийн тоо 3,329
Таны
хүү, эсвэл охин чинь “Инчон- 2014” Азийн наадмыг сурвалжлах болсон
тухай баярт мэдээ дуулгавал бүү гайхаарай. Азийн олимпийн зөвлөл (OCA)
өөрийн гишүүн Үндэсний олимпийн хороодод спортын өсвөрийн сэтгүүлчдийг
бэлтгэх хөтөлбөрөө Монголоос эхэллээ.
“Орчлон”, Улаанбаатарын Америк сургууль, “Кингс кидс”, нэгдүгээр сургуулийн 16 хүр тэлх насны 53 хүүхдийг хамруулсан уг арга хэмжээ өчигдөр “хөшгөө нээж”, МҮОХ-ны дэд ерөнхийлөгч Ц.Дамдин, МҮОХ-ны ерөнхий нарийн бичгийн дарга, Спортын сэтгүүлчдийн холбооны ерөнхийлөгч Ж.Отгонцагаан болон Азийн олимпийн зөвлөлийн ажилтнууд оролцож, хүүхдүүдэд амжилт хүссэн юм.
OCA-гийн хэвлэл мэдээллийн албаны редактор, спортын сэтгүүлчээр 30 гаруй жил ажиллаж байгаа Жереми Уолкер спортын сэтгүүл зүйн анхан шатны мэдлэг өгөх зорилгоор оролцогчдод сонирхолтой хичээл заасан. Харин өнөөдөр ирээдүйн сэтгүүлчид спортын болон англи хэлний мэдлэгээ шалгуулах асуулт хариултын тэмцээнд оролцох бөгөөд Үндэсний соёл амралтын хүрээлэнд болох хөгжөөнтэй гүйлтэд хурд сорино. Бүх шалгуурыг давсан оролцогч Азийн наадмын халуун цэгт ажиллах эрх авах юм.
