Монголын үндэсний уламжлалт баяр болох Цагаан сарыг тохиолдуулан телевизүүд шилдэг хөтөлбөрөө үзэгч түмэндээ толилуулахад бэлэн болоод байна. UBS телевиз, Өвөрмонголын “Одон” телевизтэй хамтран бүтээсэн “Инээдтэй үдэш” баярын хөтөлбөрөө шинийн 1-ний үдэш олны хүртээл болгоно. Монголын болон ӨМӨЗО-ы хошин урлагийн авьяаслаг уран бүтээлчид хамтран оролцсон уг хөтөлбөр баярын ширээнд тань “хачир” нэмнэ гэсэн.
Харин МҮОНТ хоёрдугаар сарын 24-ний 20:45 цагаас “Бөмбөгөр ногооныхон” нэвтрүүлэгт алтан үеийнхэн гэж нэрлэгддэг ахмад уран бүтээлчид сонирхолтой дурсамж хүүрнэнэ. Мөн түүнчлэн дэлгэцийн шинэхэн уран бүтээл болох “Сэтгэлийн гэрэл”, “Эх үрсийн манлайлал” хэмээх бүрэн хэмжээний уран сайхны киног тус тус үзэгч түмэндээ хүргэх гэнэ.
MN-25 дугаар суваг телевиз нэгдүгээр сарын 21 буюу битүүний үдэш 20:05 цагаас “Урилга” брэнд нэвтрүүлгээ баярын гол хөтөлбөр хэмээн нэрлэж байна. Улс төр, урлаг спортын мастерууд болон залуу дуучдын оролцсон эл нэвтрүүлэг “сюрприз”-ээр дүүрэн гэдгийг ч бас нэвтрүүлгийн хамт олон амлаж байна.
TV5 телевиз битүүний өглөө 08:30, шинийн 1, 2-ны өглөө 10:00 цагаас “Сар шинийн эгшиглэн “ардын дууны теле зохиомжоо үзүүлэх аж.
