Бичлэгийн тоо 3,329
Мөсөн шагай, тэмээний баяртай “Нүүдэлчдийн өвөл-2012” фестиваль болно
Уншсан 8574 vote 0 2012.02.17 16:53:31
Монголын
Аялал жуулчлалын холбооноос “Нүүдэлчдийн өвөл-2012” фестиваль зохион
байгуулах гэж байна. Энэхүү фестивалийн эхний арга хэмжээ Төв аймгийн
Жаргалант суманд байрладаг “Монголын нууц товчоо” цогцолборт болох
Цагаан сарын баярын арга хэмжээ аж. Монголд амьдардаг гадаадын жуулчдад
төдийгүй манай залуус тэнд очиж, уламжлалт түүх соёл, зан заншилтай
танилцангаа Сар шинийн баяраа өнгөрүүлдэг болсон гэж “Монголын нууц
товчоо” аялал жуулчлалын компанийн менежер О.Батцэцэг хэллээ.
Мөн МАЖХ “Женко тур бюро” компанитай хамтран Чингис хааны хөшөө цогцолборт Шинийн нэгний анхны нар харах аялал зохиохоор төлөвлөсөн байна. Мөн энэ сарын 25-нд Туул голын хөвөөнд мөсөн шагайн наадам хийх аж. “Нүүдэлчдийн өвөл-2012” фестивалийн хамгийн чухал хөтөлбөр болох Хөвсгөл аймгийн АлагЭрдэнэ сум, Хатгал тосгонд гуравдугаар сарын 2-3-нд зохиох “Мөсний баяр”, Өмнөговь аймгийн Булган суманд мөн сарын 6-7-нд болох “Тэмээний баяр”-т оролцох хүмүүс одооноос бүртгүүлж эхэлжээ.
Харин “Бүргэдийн баяр” гуравдугаар сарын 5-нд “Чингисийн хүрээ” жуулчны баазад болно.
