“Монгол язгуур” нэрийн дор фолк рок чиглэлээр тоглодог “Алтан ураг”, этно жааз урсгалаар бүтээлээ туурвидаг “Арга билэг”, “Жонон”, “Хөсөгтөн”, “Домог” хамтлаг нэгдэн тоглолт хийнэ. Уг тоглолтыг гавьяат жүжигчин Д.Сосорбарам санаачилж, Монгол Улсын Ерөнхийлөгчийн ивээл дор зохион байгуулж байгаа юм байна. Дэлхий нийттэй оюун ухаан, ур авьяасаараа даяаршиж байгаа язгуур урлагийн хамтлагууд жил бүрийн сар шинээр нэгдсэн тоглолт хийдэг уламжлалтай болох гэнэ.
Үндэсний хөг хэмнэлийг орчин үеийн хөгжимтэй сүлэн монгол аялгууг дэлхийн сонорт хүргэдэг эдгээр хамтлаг энэ удаа монголчууддаа дэлхийг шагшуулсан шилдэг тоглолтуудаа дэлгэнэ. Мөн энэ тоглолтдоо зориулж Алтайн магтаалыг хамтран тоглож, клип хийлгэжээ. Энэ сарын 18, 19-нд МҮЭСТӨ-нд болох “Монгол язгуур” тоглолтын тасалбар 25000 төгрөгийн үнэтэй.