Кэмбрижийн сургалтын талаар хүүхэд, эцэг, эхчүүдийн сонирхсон асуултад “Шинэ эрин” олон улсын лаборатори дунд сургуулийн багш нар дараах хариултыг өгсөн юм.

Б.Алтжин (Сүхбаатар дүүргийн I сургуулийн 7а ангийн сурагч): -Кэмбрижийн хөтөлбөрөөр хичээллэж байгаа төрийн өмчит сургуульд яаж элсэх вэ. Ямар шаардлага тавьдаг вэ?

-Одоогоор “Шинэ эрин”, “Шинэ эхлэл”, “Монгол тэмүүлэл” гэсэн гурван сургууль олон улсын хөтөлбөрөөр хичээллэж байна. “Шинэ эрин” 160, “Шинэ эхлэл” 120, “Монгол тэмүүлэл” 40 сурагчтай. Цаашид Улаанбаатарт 9, 21 аймгийн төв тус бүрт нэг, хос хэлний нийт 30 сургууль байгуулахаар төлөвлөөд байна. Шалгалтыг элсэлт авах үеэр зарлана. Энэ жил ямар хичээлээр хэзээ сонгон шалгаруулалт зарлах тухайд одоогоор эцэслэн шийдээгүй байна. Улаанбаатар хотын аль ч дүүргийн ЕБС-ийн сурагч шалгалт өгч болно. Өнгөрсөн жил математик, англи хэлээр шалгалт авч, тэнцсэн хүүхдүүд олон улсын хөтөлбөртэй сургуульд үнэ төлбөргүй суралцаж байна. Шалгалтаа өгч тэнцсэн нь л энэ сургуульд элсэх эрхтэй. Хүүхдүүд олон улсын болон Монголын хөтөлбөрөөр зэрэг хичээллэнэ. Кэмбрижийн болон Монголын Ерөнхий боловсролын хоёр гэрчилгээтэй төгсөнө.

Г.Нинжин (Чингэлтэй дүүргийн 23 дугаар сургуулийн 7д ангийн сурагч): -Англи хэлээр, олон улсын хөтөлбөрөөр заах 11 хичээлээс сонгож үзнэ гэдэг нь юу гэсэн үг вэ?

-Сурагч олон улсын шалгалт өгөх 11 хичээлээс зургаагаас доошгүйг нь сонгож үзнэ. Эцэг, эхтэйгээ зөвлөж байгаад ирээдүйд эзэмших мэргэжил, их дээд сургуульд суралцах чиглэл, өөрийн авьяас сонирхолдоо нийцүүлэн сонгох боломжтой.

О.Золзаяа (Баянзүрх дүүргийн 15 дугаар хорооны иргэн): Ерөнхий боловсролын 61 дүгээр сургуулийн су рагчид “Шинэ эрин” сургуультай танилцаж байхыг зурагтаар харсан. Тоног төхөөрөмж, багаж хэрэгсэл, компьютерийн систем зэрэг нь үнэхээр мундаг юм байна лээ. Хамгийн гол нь үнэгүй, эцэг, эхчүүдээс мөнгө авахгүй гэдэг нь их таалагдаж байна. Улсын хэмжээнд 30- аад ийм сургууль барина гэж дуулсан. Бүгдийг нь ийм сайхан байр сав, техник хэрэгслээр хангах боломж нөхцөл бий юү?

“Шинэ эрин” бол олон улсын хөтөлбөрөөр хичээллэх, БСШУЯ-ны харьяа лаборатори сургууль. Баянгол дүү рэгт байрлалтай, энэ сургуулийн барилгын зардал төсөв ердийнх өөс нэг их ялгааг үй. Гол нь дотно гадна шийдэл, дизайн нь өөр. Том саруулхан өрөө тасалгаатай, багш нарын ажлын болон амралтын өрөө, номын сан, спорт, урлагийн танхимтай барьсан, сурагч, ажилтан хэн бүхэнд хялбар, найрсаг уур амьсгал бүрдүүлэхүйцээр тооцож төлөвлөсөн. Онцлог нь л өөр болохоос төсөв зардлын хувьд онцын ялгаагүй гэж болно. Кэмбрижийн сургалттай холбоотой дэлгэрэнгүй мэдээллийг www. Facebook.com/ Cambridge.Mongolia хаягаас үзээрэй.