Ёкозүна Хакүхо 2010 оноос Японы Хоккайдо мужийн Такикава хотын аялал жуулчлалын хүндэт элчийн үүрэг гүйцэтгэж байгаа билээ. Тус хотод “Хакүхо” брэндийн цагаан будаа тарьсан их аварга Сүмогийн Кокүгикан ордонд байрлах залуу бөхчүүдийн сургалтын төвд ургацынхаа дээж болох 120 кг цагаан будааг хандивлалаа.

Тэрбээр “Сүмогийн ачаар би өдий зэрэгтэй яваа. Цагаан будаа бол хүч чадлын эх булаг. Залуу бөхчүүд миний будааг идээд хүчтэй болоосой. Би энд сурч байхдаа амттай будаа идэхсэн гэж боддог байсан” гэж хэлэн сургалтын төвд хичээллэж байгаа 10 залуу бөхтэй гар барин урам хайрлажээ. Будааг хүлээн авсан тус төвийн захирал Дэваноүми ояката “Үнэхээр их баяртай байна. Манай залуус ч их баярлаж байгаа байх” гэжээ.

Хакүхо өнгөрсөн намар 10 тонн “хакүхо” сортын будаа хураан авсан. Маргааш их аварга Фүтабаямагийн 100 насны ой тохиох бөгөөд Хакүхо Токио хотын Зэншёожи сүмд байдаг бунханд нь очиж, хүндэтгэл үзүүлэх гэнэ.

Хошизакүра зодог тайллаа