-Төрийн шагналт хөгжмийн зохиолч Б.Шаравын нэрэмжит олон улсын уралдаан зарлаж байгаа гэсэн?

-Энэ оны арваннэгдүгээр сард ХБКийн 75 жилийн ой тохионо. Энэ ойн хүрээнд Төрийн шагналт хөгжмийн зохиолч Б.Шаравын нэрэмжит мэргэжлийн залуу дуучид, ардын хөгжимчдийн олон улсын анхдугаар уралдааныг Хөгжим бүжгийн коллеж, Хөгжмийн зохиолчдын холбоо хамтран зохион байгуулахаар шийдээд бэлтгэлээ базааж байна. Энэ уралдааныг БСШУЯ, Соёл урлагийн хороо, ДБЭТ, ҮДБЭЧ, Улсын филармони, СУИС зэрэг мэргэжлийн урлагийн байгууллагууд дэмжиж, хамтран зохион байгуулж байгаа. Уралдаан маань залуу уран бүтээлчдийг дэмжих, тэдэнд авьяас чадвараа сорих боломж олгох, гоц авьяастай залуусыг тодруулах, олон улсын уран бүтээлчидтэй туршлага солилцож, харилцан суралцах боломжийг нээх, Монголын хөгжмийн зохиолчдын бүтээлийг олон улсад түгээн дэлгэрүүлж, сурталчлах зорилготой.

-Уралдаан хэзээ болох вэ. Оролцогчдыг хэзээнээс бүртгэж эхлэх вэ?

-Бүртгэл гуравдугаар сарын 1-нээс аравдугаар сарын 1 хүртэл үргэлжилнэ. Уралдаан арваннэгдүгээр сарын 17-23-нд болно.

-Оролцогчдод ямар шалгуур тавьж байгаа вэ?

-Залуу уран бүтээлчдийг хамруулахыг зорьж байгаа. 30-аас доош насны дуучид, 35-аас доош насны хөгжимчид оролцох боломжтой. Оролцогчид эхний хоёр шатанд дэлхийн болон Монголын хөгжмийн зохиолчдын сонгодог бүтээлийг дуулж, эгшигл үүлэх бөгөөд гуравдугаар шатанд Б.Шаравын бүтээлээс сонгох учиртай.

-Нэлээд өндөр шагналын сантай гэж сонссон?