Бичлэгийн тоо 33
Бүх тасалбар борлогджээ Бээжингийн олимпийн бүх тасалбар зарагдаж дууссан тухай АР мэдээллээ. Энэ нь нийтдээ 6.8 сая тасалбар болсон байна. Олимпийн наадмын зохион байгуулагчдын мэдэгдсэнээр нийт тасалбарын талаас илүү нь буюу 58 хувь нь 13 ам.доллараас хямд байсан гэнэ. Тэгвэл дөрвөн жилийн өмнөх Афины олимпод 5.3 сая тасалбар зарагдсан бөгөөд тэмцээн, уралдааны үеэр сул суудал цөөнгүй байжээ. Хятадын багт 38 гадаад дасгалжуулагч бий Хятадууд нутаг дээрээ зохиогдох олимпийн наадамд өндөр амжилт үзүүлэхийн тулд чамбай бэлтгэж буй. Үүний нэг жишээ нь гадны сайн мэргэжилтнүүдийг урьж, тамирчдаа бэлтгэж буй явдал. Хятадын багийн хэвлэлийн төлөөлөгчийн мэдэгдсэнээр энэ удаагийн олимпийн наадамд 38 гадаад мэргэжилтэн тэдэнд тусалж байгаа аж. Урд хөршийнхөн олимпод 1099 хүний бүрэлдэхүүнтэй нүсэр багтай оролцох бөгөөд үүний 639 нь тамирчин юм. Фелпс Спитцийн рекордыг эвдэх үү АНУ-ын нэрт усанд сэлэгч Майкл Фелпс энэ удаагийн олимпоос найман алтан медаль авах зорилго тавин бэлтгэлээ базааж байна. 23 настай Фелпс энэ амжилтыг үзүүлэх бүрэн боломжтой хэмээн мэргэжилтнүүд дүгнэж буй. Тэрбээр 2004 оны олимпод 19 настайдаа оролцоод зургаан алт, хоёр хүрэл медаль хүртсэн юм. Харин ноднин Австралийн Мельбурнд болсон ДАШТ-ээс долоон алтан медаль зулгааж, Бээжинд гялалзах гол тамирчны нэг болохоо харуулсан билээ. Хэрвээ Фелпс Бээжингээс найман алтан медаль авч чадвал домогт Марк Спитцийн дээд амжилтыг эвдэх юм. Спитц өмнө нь 1972 оны Мюнхений олимпод долоон зайд түрүүлж, үнэмлэхүй дээд амжилт тогтоож байсан билээ. |
www.mglclub.com Administrator
- Холбоотой бичлэг :
- http://www.mglclub.com/577381/dfc/trackback
