Монголын багш нарын өдрөөр боловсролын салбарынханд АНУ-аас нэгэн баярт мэдээ иржээ. Дэлхийн хэмжээнд бизнесийн дээд боловсролын байгууллагуудын сургалтын чанарт үнэлгээ, дүгнэлт өгдөг ACBSP буюу Бизнесийн сургууль хөтөлбөрүүдийн магадлан итгэмжлэх зөвлөлөөс СЭЗДС-ийг сайшааж, үнэлгээний тайланг нь албан ёсоор хүлээн авчээ.

Энэ нь тус сургууль гадаадын өндөр хөгжилтэй орнуудын их, дээд сургууль, коллежийн түвшинтэй эн зэрэгцэхүйц хэмжээнд сургалтаа явуулж буйг нотлон магадалж буй аж. Олон улсад итгэмжлэгдсэнээрээ оюутнууд нь дэлхийн аль ч орны их, дээд сургууль, коллежид хүлээн зөвшөөрөгдөн суралцаж, солилцооны хөтөлбөрт хамрагдах боломжтой болох юм.