Нагоягийн протокол батлагдсанаар экологийн тэнцвэрт байдлыг хадгалах, Монгол Улсын эдийн засгийг тогтвортой байл гах зорилгоор генетик нөөц баялгаас олсон орлогыг генетик нөөц хамгаалал, дархан цаазтай газар, ботаникийн цэцэрлэг, судалгааны санхүүжилт, био технологийн чиглэлийн жижиг, дунд бизнесийг дэмжих нөхцөл бүрдэх аж. Мөн генетик нөөцөд нэвтэрсэн болон ашигласны татвар, бусад төлбөр, хураамжийг протоколын дагуу холбогдох санд төвлөрүүлэх, их, дээд сургууль, эрдэм шинжилгээний хүрээлэн, хувийн хэвшлийнхэн ашиг хүртэх боломжтой болно.

Түүнчлэн байгаль хамгаалал, биологи, хөдөө аж ахуй, анагаах ухааны чиглэлийн эрдэм шинжилгээний ажилтан, судлаачдын үнэлэмжийг өсгөх, нийг мийн асуудлыг шийдэх, судалгаа шинжилгээний ажлыг шаардлага хангах хэмжээнд хийж гүйцэтгэхэд санхүүжилтийн хангалттай эх үүсвэрийг гадаадын хөрөнгө оруулалтаар бий болгож, зах зээлийн харилцааны бодит байдал, үнэлэмжтэй уялдсан хэмжээний орлого олох зэрэг эерэг үр дүн гарна хэмээн мэргэжилтнүүд үзэж байна.

Харин Нагоя-Куала Лумпурын нэмэлт протокол батлагдсанаар орчин үеийн биотехнологийн аргаар гарган авсан хувиргасан амьд организмаас үүсч болзошгүй эрсдэлээс биологийн олон янз байдал, хүний эрүүл мэндийг хам гаалах асуудал багтаж буй. Энэ нь зөвхөн улс орны дотоодын асуудал биш олон улсын хэмжээнд хамгаалагдах эрх зүйн орчин нээлттэй болох гэнэ. Мөн Монгол Улс дотоодын хууль дүрэм, журамдаа хувиргасан амьд организм тэдгээрийн гарал үүсэлтэй хохирол, хариуцлага, нөхөн төлбөрийн асуудлыг тусгаж хяналтыг чангатгах нөхцөл бүрдэх юм байна.