Бичлэгийн тоо 3,329
Монгол
Улсын Засгийн Газраас баталсан “Өрх бүрт шуудан” хөтөлбөрийн хүрээнд
“Монгол шуудан” компанийнхан программ хангамжийн “Юү Эс Ай” компанитай
хамтран орчин үеийн технологийн шийдэлд тулгуурласан “Постнэт 2.0”
хэмээх иж бүрэн системийг нэвтрүүлж буй аж. Энэхүү системийн нээлт
өчигдөр боллоо.
“Монгол шуудан” компанийн Мэдээлэл технологийн албаны дарга Б.Ган-Эрдэнэ “Ирэх сараас хэрэглэгчид хүрэх уг системийг нэвтрүүлснээр хэрэглэгч кассанд илгээмжээ өгөхөөс эхлэн үйлчлүүлэгч болон үйлчилгээний ажилтнуудын мэдээлэл цахим хэлбэрээр дамжиж, ингэснээрээ шуудангийн ажил түргэн шуурхай, найдвартай явагдах боломжийг бүрдүүлж байна. Хэрэглэгчид өөрийн илгээсэн болон хүлээн авах шуудангийнхаа талаар богино хугацаанд электрон хэлбэрээр (SMS, mail) түргэн шуурхай мэдээлэл авах боломжийг бий болгож байгаа нь давхар ач холбогдолтой” гэв.
Уг систем нь шуудангийн бүхий л шат дамжлагыг хамарсан, дэлхийн шуудан холбооны стандартад бүрэн нийцсэн төдийгүй монгол инженерүүдийн ур ухаанаар бүтсэн технологийн систем гэдгээрээ онцлогтой аж. “Постнэт 2.0” үйлчилгээний систе - мийн нээлтэд “Монгол шуудан” ТӨХКийн гүйцэтгэх захирал Г.Чинзориг, “Юү Эс Ай” программ хангамжийн компанийн ерөнхий захирал Ц.Буянцогт нар оролцов.
