Бичлэгийн тоо 3,329
Америкийн
баруун эрэгт суугаа монголчуудын рок поп хөгжмийн анхны хамтлаг "Хөх
Монгол" хамтлаг "Хар & Цагаан" нэртэй цомогоо гаргалаа. 2011 оны 11
сард бүрэлдэхүүндээ өөрчлөлт оруулснаас хойш анх гаргаж буй энэхүү
цомогт харийн нутагт суугаа монголчуудын хүсэл тэмүүлэл, хайр сэтгэл,
алдаа оноо, амжилт бүтээл амьдралын хэмнэлийг аялгуу дуугаар илэрхийлсэн
бүтээлүүд оржээ.
Хамтлагийн ахлагч, гоцлол гитарчин, ая зохиогч З.Амартүвшинг Монголын рок поп хөгжмийг АНУ-д амжилттай сурталчлан түгээж буй хөдөлмөр зүтгэлийг нь үнэлэн Монголын Нийгмийн Ардчилал-Залуучуудын Холбооны дээд шагнал "Алтан Од" одонгоор саяхан шагнаж урамшуулсан байна. “Хөх Монгол” хамтлаг 2012 оны зун Монголыг зорин гурван хотод уран бүтээлээ толилуулахаар бэлтгэж буй аж.
Тус хамтлаг энэ оны хоёрдугаар сарын сүүлээс эхлэн шинэ цомогоо сурталчлах тоглолтыг АНУ-ын Сан Франциско, Окланд, Денвер, Чикаго, Вашингтон DC, Charlotte, Seattle хотноо суугаа монголчууддаа толилуулахаар бэлтгэж байна. Хамтлагийн бүрэлдхүүн: Гоцлол гитарчин З.Амартүвшин, ритм гитар Ben Treweek, бас гитар Joe Bates, бөмбөрчин Drew Yurkov.
