Бичлэгийн тоо 3,329
БНХАУ-ын
Бээжин хотын “Монголын оюутны холбоо”-ны тэргүүн А.Нарангэрэлийг хувийн
номын сантай гэдгээр нь үеийнхэн нь анддаггүй. Найзууд нь түүнийг
“Номын санч аа” хэмээн хошигнон дууддаг бөгөөд “Ном уншихдаа нойроо
харамладаггүй оюутан, найз нараа номын амтанд оруулж чаддаг анд” гэсэн
шүлэг хүртэл зохиожээ. А.Нарангэрэл Бээжин хотын Санхүү, эдийн засгийн
дээд сургуульд суралцдаг. Хятадын 60 хотын 208 их, дээд, тусгай
мэргэжлийн дунд сургуульд манай орны 6200 гаруй оюутан, сурагч суралцдаг
гэсэн мэдээлэл бий.
Саяхан БНХАУ-д суралцагч монгол оюутан сурагчдын зөвлөлгөөн Бээжинд болж, тулгамдсан асуудлаа ярилцжээ. Оюутнуудад тулгардаг нэг том бэрхшээл нь эх хэл дээрх мэргэжлийн ном сурах бичиг ихээхэн шаардлагатай байдаг гэдгийг энэ үеэр залуус дуулгасан байна. Энэ үеэр А.Нарангэрэл өөрийнх нь номын сангаас хүссэн номоо авч уншиж болно гэж уриалгахан хэлсэн гэнэ. Оюутан хүн хувьдаа номын сантай, тэр тусмаа мэргэжлийн болоод түүх, нийгэм, улс төр, уран зохиолын арвин номтой байна гэдэг бахархмаар.
Тэрбээр 100-гаад номтой бөгөөд Монголд ямар л шинэ сонирхолтой ном худалдаанд гарна, тэр болгоныг аав, ээж хоёр нь авч явуулдаг ажээ.
