“Ногоон шугам” ТББ болон “Дүдү боловсрол” сангаас хэрэгжүүлж байгаа “Инээдэг маск” хөтөлбөрийнхөн өчигдөр бага насны хүүхдүүдэд хорт утаанаас хамгаалах амны хаалт тараалаа. Тухайлбал, Сонгинохайрхан дүүргийн 62, Баянголын 46, Баянзүрхийн 102 дугаар сургууль, Чингэлтэй дүүргийн 154, Сонгино хайрханы 80, Баян зүрхийн 133 дугаар цэцэр лэгийн багачуулд ийм хаалт бэлэглэв. Уг төсөлд түүхий нүүрс түлэхийг хориглосон хязгаарлалтын бүсэд хамаардаг гурван сургууль, зургаан цэцэрлэг болон амаржих газрууд, өрхийн зургаан эмнэлгийг бүтэн сарын хугацаанд хам руулах аж.

Нэг сургуулиас бага ангийн 300 сурагч, цэцэрлэгээс 200 хүүхдэд долоо хоногийн хэрэглээ буюу гурван ширхгээр сав ласан амны хаалт өгсөн юм. Хэрэглээ нь ямар байгааг шалгах, үр дүнг нь судлах зорилгоор төслийн багийнхан долоо хоног тутамд өөрсдөө хаалтаа авчирч өгөх гэнэ.

“Энэхүү амны хаалтыг хэрхэн зөв хэрэглэх талаар бид өмнө нь багш, эмч нарт сургалт явуулсан. Зүгээр л баахан амны хаалт нэг дор бэлэглэчихээд тэр чигтээ орхихыг хүсээгүй. Ахмадууд болон эх, хүүхдийн эрүүл мэндийн төлөөх энэ ажлаа бид сарын дараа хотын удирдлагуудад тайлагнана. Тэгээд үнэхээр үр дүнтэй байвал дахин оруулж ирнэ” хэмээн “Ногоон шугам” ТББ-ын тэргүүн З.Ганбаатар хэлсэн.