Бичлэгийн тоо 3,329
Монгол ардын аман зохиолын дотроос аман яруу найргийн хамгийн том хэлбэр нь тууль юм. Монголд 200 гаруй тууль бий хэмээн бүртгэгджээ. Гэтэл өнөөдөр улсын хэмжээнд 17 туульч байгаа гэсэн тоо байдаг ч тэдэн дунд туулийг бүрэн хайлдаг хүн байхгүй байна.
Бүртгэгдсэн байдлаар 4-5 туульч туульсыг бараг бүрэн хэмжээнд, үлдсэн нь хэсэгчлэн хайлж байгаа нь ардын аман зохиолын энэ төрөл мөхлийн ирмэгт ирснийг харуулж буй юм. Иймээс Засгийн газраас монгол үндэсний урлагийн энэ төрлийг дэмжих шийдвэр гаргаж, “Монгол тууль” хөтөлбөр хэрэгжүүлэхээр боллоо.
Уг хөтөлбөрийг хэрэгжүүлэх төлөвлөгөө боловсруулан баталж, гүйцэтгэлд нь хяналт тавьж ажиллахыг Боловсрол, соёл, шинжлэх ухааны сайдад даалгав.
