Монголын гоо бүсгүй И.Төгсөө “Miss international- 2011” тэмцээний гуравдугаар байрт шалгарсан сайхан мэдээ хуучраагүй байна. Тэрбээр “Miss Mongolia 2011” наадмын тэргүүн байрт шалгарч БНХАУ-ын Чэнду мужид аравдугаар сарын 20-ноос арваннэгдүгээр сарын 6-нд болсон уг тэмцээнд оролцох эрх авсан юм.

51 дэх жилдээ явагдсан уг тэмцээнд манайхан 2004 оноос оролцсон. Гэхдээ эхний гурван байрт шалгарч байсан удаагүй. И.Төгсөө ХУИС-ийн олон улсын харилцаа, эдийн засгийн ангид сурдаг, таван охинтой айлын отгон нь. "Монгол костюмс" төвийн "Чимбай" агентлагийн загвар өмсөгчөөр ажилладаг. “Монголын гоо үзэсгэлэн дэлхийн тавцанд” реалити шоуны үндэсний ялагчаар өнгөрсөн жил тодорч, Турк улсад зохиогдсон олон улсын тэмцээнд оролцжээ.

-“Miss international- 2011” тэмцээнд амжилттай оролцсонд тань баяр хүргэе.

-Баярлалаа. Эх орныхоо нэрийг гаргаж, дэлхийн нэр хүндтэй тэмцээнд амжилттай оролцсондоо баяртай байна. Тэмцээн хагас сар үргэлжилсэн. Шилдэг 15-д багтчих юмсан л гэж бодож байсан надад шилдэг тавд үлдсэнээ мэдэхэд сайхан байсан. Гэтэл бүр шилдэг гурвын нэгээр шалгарлаа гэхэд үнэхээр сэтгэл их хөдөлсөн.

-Энэ тэмцээнд хэдэн орны бүсгүй оролцов. Чи бусад бүсгүйчүүдээс юугаараа давуу байв?

-Орон орноосоо шалгарсан 80-аад гоо бүсгүй өрсөлдсөн. Өдөр бүр хүлээн авалт, арга хэмжээ зохион байгуулж, хэлний мэдлэг, гадаад гоо сайхан, боловсрол, биеэ авч яваа байдал, улс орноо хэрхэн сурталчилж буй гээд бүх талаас нь хардаг юм билээ. Би 180 см өндөр. Тийм болохоор бусад охидоос өндрөөрөө дутаагүй. Англи, солонгосоор ярьдаг.

-Ойрын үед өөр тэмцээнд оролцох уу?

-Дараагийн “Miss international” болтол ямар нэг сайхан бүсгүй шалгаруулах тэмцээнд оролцож болохгүй гэж гэрээндээ заасан. Тийм болохоор тэмцээнд оролцохг үй. Тэмцээнд яваад хичээлээсээ хоцор чихсон. Одоо хичээлээ нөхөж, ангийнх наа гүйцэж авахаас өөр бодох зүйл алга.

-Чи хэдэн жил загвар өмсөж байгаа билээ?