Хонконгийн усан онгоцны боомтын ойролцоо худалдааны зориулалт бүхий Монгол тосгон байгуулжээ. Азийн бар улсын өндөр хөгжлийн дэргэд нүүдэлчний амьдралын өвөрмөц хэв маягийг бүрдүүлж, жуулчдыг татах зорилготой тухайгаа зохион байгуулагчид ярьсан аж. Энэ сарын 4-нд бууриа зассан “Монгол тосгон”-д монгол үндэсний дээл хувцас, бэлэг дурсгалын зүйлс болон Хонконгийн нэртэй фирмийн үнэртэн, гэр ахуйн бараа зэргийг худалдаж байна.

Мөн VIP гэрт коктейл үдэшлэг, уулзалт зохион байгуулах боломжтой гэнэ. Хиймэл ногоон зүлгэн дээр барьсан гэрүүдийн гадна эмээл сэлтээ бүрэн агссан монгол морь ч бий аж. Хонконг дахь “Монгол тосгон”- оор ирэх сарын 31-нийг хүртэл зочлох боломжтой юм байна.

Ж.ТЭГШЭЭ