Солонгосын нэрт жүжигчин Ю Түнг өөрөөсөө 29 насаар дүү Монгол эхнэртэй гэдгээ нийтэд нээлттэй зарладаг.

Тэрээр өчигдөр Солонгосын MBC телевизийн өглөөний нэвтрүүлэгт гэргий хүүхэдтэйгээ хамт оролцож өөрийнхөө хувийн амьдралын талаар ний нуугүй ярьжээ.

Тэрээр “Би анх эхнэрээ хараад царай муутай юм гээд хэлчихсэн чинь эхнэр маань Солонгос хэл мэддэг төдийгүй өөдөөс “Тиймээ, би царай муутайгаа мэдэж байна” гэж хариулсан. Тэр үед би хэлсэн үгээ буцааж авмаар байсан ч ямар ч арга байгаагүйд үнэхээр харамсаж уучлалт гуйсан аж.

Жүжигчин Ю Түнг гэргийнхээ ээжээс 2 насаар ах, хадам ааваасаа 1 насаар дүү хэмээн хэлсэн нь үзэгчдийг гайхшруулжээ.

Жүжигчин Ю Түнг нь өдгөө 54 настай бөгөөд 48 настайдаа 19 настай Монгол бүсгүйтэй гэр бүл болжээ. Тэрээр өмнө нь дөрвөн эмэгтэйтэй гэр бүл болж байсан ч бүтэлгүйтжээ. Түүний өмнөх эхнэрийн хамгийн бага хүү Монгол эхнэрээс нь 9 насаар ах гэнэ.

Өөрөөсөө 29 насаар дүү Монгол бүсгүйг гэргийгээ болгосон жүжигчин өдгөө Чежү аралд авсан эдлэн газартаа Монгол заншлаар амьдарч, уран зургийн үзэсгэлэн бүхий байшин барьж байгаа зэрэг аж.

Сүүлийн үед Монгол бүсгүйчүүд харийн бэр болон одож байгаа ч тэр бүр аз жаргалтай амьдарч чаддаггүй. Харин Солонгосын жүжигчинтэй суусан Монгол бүсгүй Ж өдгөө аз жаргалтай сайхан амьдарч байгаа хэмээн даруухан өгүүлжээ. Түүнд аз жаргал, сайн сайхан бүхнийг хүсье.

www.shuud.mn

<script src="http://s7.addthis.com/js/250/addthis_widget.js#pubid=xa-4e378d80213208d7" type="text/javascript"></script>