Тарвасан хүн, цэлцгэнүүрээр хийсэн далайн гүн цэнхэр “усанд” шумбах наймаалж, сам хорхой, загас, хаш ногоогоор ур ласан оцон шувуу гээд хоол хүнсэнд хэрэглэдэг бүх төрлийн бүтээгдэхүүн, ногоо нууд амилчихаж. Хоол, хүнс зөвхөн ходоод, гэдсийг баярлуулдаг зүйл биш, сэтгэл баясгасан урлагийн бүтээл гэдгийг жинхэнэ утгаар нь гаргасан нэгэн үйл явдал өчиг дөр болсон нь Монголын залуу тогооч нарын аварга шалгаруулах уралдаан байлаа. Монголын тогооч нарын холбооноос гурав дахь удаагаа зохион байгуулсан уг уралдаанаас шалгарсан шилдгүүд олон улсын уралдаанд эх орноо төлөөлөн оролцох эрх авах юм.

“Тамирчид олимпод орох эрх авдагтай утга дүйх шалгаруулалт юм” хэмээн МТХ-ны ерөнхийл өгч Ж.Октябрь онцолсон. Уралдаанд оролцож байгаа 40 залуу тогооч даалгавраа гүйцэтгээд тун завгүй байна. Тэд зууш, үндсэн болон амтлаг хоол, чимэглэх урлаг, онол гэсэн таван төрлөөр өрсөлдсөн. Өмнөх жилүүдийн уралдаанд оноож өгсөн мах, хүнсний бүтээгдэхүүн, ногоогоор хоол хийж байсан бол энэ удаа сугалааны журмаар явагд санаараа онцлог. Тодруулбал, загас, тахиа, үхрийн гол мах гэсэн сугалааны аль таарс наар нь хоол хийх даал гавартай. Жимс, ногоо болон бусад бүтээг дэхүүнээр мөн л өөрийн сонголтоор хачир, чимэглэл хийнэ.

Тогооч нарын ур чадвар мэдэгдэхүйц дээшилсэн нь гүйцэтгэж буй ажил, гэрийн даалгаврын хоолноос харагдаж байлаа. Хүссэн мэдээллээ интернэтээс авч, үзэж харах зүйл их болсон өнөө үед бусдаас содон байж, хоол хүнсээр “тоглох” өргөн боломж нь байгаа болохоор аргагүй биз. Сэтгэл шингээсэн бүхэн амилж болдгийг манай залуучууд мэдэрч, харуулж чадлаа. Нэг үеэ бодвол хүссэн хоолоо тухайн жор, технологиор нь хийлгэн зооглох боломж Монголд бүрдсэн нь тогооч нарын ур чадварын илэрхийлэл гэж болно.

Монголчууд дэлхийтэй хөл нийлүүлэн алхаж байгаагийн нэг жишээ бол хоолны урлагт гарч буй дэвшил буюу энэ мэт уралдааны үр дүн. Хоолоор “тоглодог” тогооч нарын симфони өнгөтэй, аялгуутай, уянгалаг байлаа.

Ж.ЭРДЭНЭ