МИАТ
компани “Боинг 767-300” хэмээх дахин нэг “Шар залаат”-аар хүч нэмлээ.
Ингэснээр тус компани “Боинг” загварын дөрвөн онгоцтой болж байгаа юм.
АНУ-ын “Air Lease” корпорациас оруулж ирсэн дээрх агаарын хөлөг нь
бизнес ангиллын 18, энгийн 245, нийт 263 хүний суудалтай, бусдыгаа
бодоход газардалгүй 11 мянган км нисэх чадвартай гэдгээрээ давуу аж.
Б767-300 онгоцоор тогтмол нислэг хийхийн зэрэгцээ захиалгаар аялал
жуулчлалын эрэлттэй бүс нутаг болох Дубай, Саньяа, Сингапур, Ханой,
Бангкок, Чэжү рүү нислэг үйлдэх гэнэ. 1997 онд үйлдвэрлэсэн уг онгоцыг МИАТ-ийнхэн өмнөхтэй адил сарын 245.500 ам.доллараар хөлсөлж байгаа юм байна. “Өнгөрсөн зургадугаар сард оруулж ирсэн Б767-300 онгоцоор зуны ачаалалтай үеэ амжилттай давлаа. Өмнөх оны мөн үетэй харьцуулахад манай компанийн зорчигч тээвэрлэлт 35 хувиар нэмэгдсэн. Цаашид бид парк шинэчлэлтийн хүрээнд “Боинг” компаниас 2013 онд Б767-300, 2015 онд Б737-800 маркийн гурван онгоц худалдаж авахаар гэрээ хийсэн” хэмээн МИАТ компанийн гүйцэтгэх захирал Ц.Орхон ярив.
Нисэх
бүрэлдэхүүн, бүхээгийн багийн болон инженер, техникийн ажилтнуудыг
Б767-300 агаа рын хөлгийн сургалтад хам руулан, хүний нөөцийн асуудлыг
шийдсэнээ ч тэрбээр нээлтийн арга хэмжээний үеэр хэлсэн юм.
Л.ГАНЧИМЭГ
