-Сайн уу, Жагаа ах аа. Сонин сайхан юу байна вэ?

-Монголын рок попын түүхийг өгүүлэх “Рок нууц товчоо” ном бичиж байна. Энэ ажлаа хийгээд л сууж байна даа.

-Таныг рок попын музей байгуулах гэж байгаа тухай сонслоо?

-Монголд рок музей байгуулахаар сүүлийн таван жил хөөцөлдөж байна. Хамаг анхаарал, цаг заваа энэ ажилд зориулсны хүчинд овоо ахицтай байгаа.

-Музей хэзээ үүдээ нээх вэ?

-Ажил нэлээд шуударсан шүү. Ер нь удахгүй нээчих санаатай байна.

-Яг ямар музей байх бол, мэдэхсэн гэсэн хүсэл төрөөд болдоггүй?

-Музейд Монголын рок попын бүх хамтлаг, дуучдын хэсэг байх бөгөөд мэдээллийг цахим байдлаар оруулна. Английн алдарт Мадам Тюссогийн музей шиг чихэвч зүүгээд ордог, үзмэрийн дэргэд очихоор холбоотой мэдээлэл нь чихэвчээр сонсогддог байх юм. “Харанга” хамтлагийн хэсэгт очиход дуу нь эгшиглээд, хамтлагийн тухай, тэнд тавьсан үзмэрийн тухай мэдээлэл авна гэсэн үг.

-Энэ бүхнийг хийхэд хөрөнгө мөнгө их шаардагдах байх даа?

-Мэдээж их мөнгө орно. Гэхдээ тусалж дэмжинэ гэсэн байгууллага, хүмүүс байгаа. Мөнгө төгрөг, байр сууцны асуудлыг ший дэх арга олдоно. Харин музейд тавих үзмэр цулуулна гэдэг хэцүү ажил байдаг юм байна. Ялангуяа Монголд рок поп урлагийн үндэс суурийг тавилцаад хорвоогийн мөнх бусыг үзүүлсэн хүмүүсийн эдэлж хэрэглэж байсан зүйл их ховор юм. Өмсөж эдэлж байсан хувцсыг нь шатаачихсан, хаячихсан гэх юм. Бурхан болсон хүмүүсийн ар гэрийнхэнтэй уулзаж, учирлаад, хадгалж байгаа зүйлийг нь цуглуулж байна.

-Хэчнээн үзмэртэй болсон бэ?

-Нэрт дуучин Баарайн Баяраа агсны зур гаан настайдаа тоглож байсан баян хуур, “Айзам” хамтлагийн соль гитарчин “согтуу” Ганбаагийн барьж байсан гитар, “Соёл-Эрдэнэ” хамтлагийн хөгжимчин Наран баатарын хүү хөгжмийн найруулагч Халиуны хоёр давхар аргон, “Никитон” хамт лагийн гитарчин Д.Саруулсайханы ги тар, “Чингис хаан” хамтлагийн гитарчин С.Шинэ-Одын арван жил тоглосон “Гибсон” гитар, нэрт дуучин Б.Нандинцэцэг агсны таван жил хөтөлсөн тэмдэглэлийн дэвтэр, дуучин Т.Ариунаагийн 1996 онд хийсэн тоглолтдоо өмсөж байсан цагаан савхин хүрэм гээд олон зүйл бий. Рок попынхны нүдний шил, үзэг, хувцас хэрэглэл, дууны ноотны эх хувь гээд үзмэр болгож болох бүх зүйлийг цуглуулж байгаа. Ямар ч байсан хүмүүсийн өмнө дэлгээд тавьчих хэмжээний үзмэртэй болсон. Цуглуулах ажлаа үргэлжлүүлж байна.