Бичлэгийн тоо 3,329
Гадаадын
иргэн, харьяатын асуудал эрхлэх газрын Замын-Үүд боомт дахь алба шинэ
байртай боллоо. Нэг өрөөнд тун хүнд нөхцөлд ажилладаг байсан тус албаны
ажилтнууд өөрийн гэсэн байртай болсноор тогтвортой, үр бүтээлтэй ажиллах
нөхцөлийн нэг нь бүрдэж байгаа гэнэ. Уг барилгыг 700 гаруй сая
төгрөгийн хөрөнгөөр босгожээ.
ГИХАЭГ-ын дарга Д.Мөрөн “Гадаадын иргэн харьяат, цагаачлалын асуудлаар төрийн бодлого боловсруулж, хяналт тавихад мэргэжлийн зохих төвшинд дэмжлэг үзүүлэх үүрэгтэй учраас манай ажилтнуудад тав тухтай ажиллах орчин шаардлагатай. Замын-Үүд хөл хөдөлгөөн ихтэй боомт учраас хэрэг зөрчил буурдаггүй. Монгол Улсаас албадан гаргаж байгаа иргэдийг түр саатуулах байр Замын-Үүдэд байгаагүй.
Энэ байр гадаадын иргэд, харьяат, цагаачлал гээд олон асуудлыг шийдвэрлэхэд чухал үүрэгтэй гэж үзэж байна” гэв. Тус алба Дорнодын Баянхошуу, Сүмбэр, Өмнөговь аймгийн Шивээхүрэн, Сүхбаатар аймгийн Бичигт, Ховд аймгийн Байтаг, Дорноговь аймгийн Замын-Yүд боомтын албан хаагчдаа байртай болгожээ. Ирэх оноос Сэлэнгэ аймагт ийм байр ашиглалтад оруулахаар төлөвлөж байна.
