ЯАКУЗА ЯПОНЫ МАФИ НЬ 17-Р ЗУУНЫ ҮЕД АНХ ГАРЧ ИРСЭН УРТ НАСТАЙ МАФИ БӨГӨӨД ОДОО 110 МЯНГА ГАРУЙ ГИШҮҮНТЭЙ 2500 БҮЛГЭЭС БҮРДСЭН ТОМ МАФИ ЮМ БАЙНА.

Чөлөөт сэдэв

ЯКҮЗА
-----------------------------------------------------
Якүза гэхээр Японы мафи гэдгээр хэн хүнгүй төсөөлж байгаа байх. Уг нь эртээ цагийн самурай, бүши хэмээх зэвсэгт дайчидын үр удам нь юм.
Хэйанжидай гэх МЭ7-р зуунаас МЭ11-р зууны үед эзэн хааныхаа үнэнч боол, албат цэргүүд байсан ажээ. Хаант төрийн хагарал эвлэрэлийн уршигаар цэргийн жанжин, түүний үнэнч эр цэргүүд нь тусгаар гарч ард түмнийхээ талд зүтгэх үнэ хөлсгүй хамгаалан босогчид болж хувирсан. Угаас Япон уламжилалт сэтгэлгээнд эзний үг бол тэнгэрийн зарлиг. Түүнийг зөрчвөл тамд унасантай адил бөгөөд ямагт ар гэр эхнэр хүүхдээс нь эн тэргүүнд явдаг байжээ. Бүши хэмээх самурайн хүүхэд ирээдүйд самурай болох уламжлагдсан ёс ч байдаг байсан байна. Хар багаас нь биеийн хатуужил, сэтгэлийн тэвчээр, амьдралын хэм хэмжээ, үнэнч шударга зан үйлийг зааж сургаж хожмийн чин зоригт үнэнч тууштай ёстой нөгөө жинхэнэ эр хүн гээчийг бий болгож авдаг байв.
Наран улсад 16,17-р зууны үед гадаад дотоодын худалдаа наймаачид ихээр ирж түүнийг даган самурайн тэмцэл, нийгмийн эмх цэгцгүй байдал газар авч эхэлсэн байна. Мэйжи жидай буюу 17-19-р зуун буюу бүтэн 200 жилийн турш эзэн хааны зарлигаар хаалттай улс болж гадаад худалдаа бараг зогсонги болж бүхий л хэрэгцээт зүйлээ улс дотроо үйлдвэрлэж эхэлсэн байна. 19-р зууны сүүл 20-р зууны эхээр Хаалттай нийгэмийн хаалга тайлагдаж гадаад улс оронтой харилцаж эхэлжээ. Энэ үеэс эхлэн Наран улсын иргэдийн үндсэрхэг үзэл газар авч улмаар Дэлхийн 2-р дайнд ханцуй шамлан оролцож АНУ-д нармайгаа нээлгэн нэг дуугүй болсон түүхтэй. Дайны дараагаар их бүтээн босголтын ажил эхэлж, ард түмнийг үндсэрхэг үзэл гаргахгүй байхыг удаа дараа анхааруулж төрийн дууллаа хүртэл энгийн үед дуулахгүй байхыг хатуу сануулж байжээ. (Одоо ч тийм) Өнөөгийн Монголоос илүү гарсан үндсэрхэг үзэл ард түмний сэтгэл зүрхэнд байсан байжээ. Нийгмийн тайван амгалан байлгах үүргийг ч уламжлалт Бүши нар давхар биелүүлж зөвхөн шалдаа буусан улс орноо өөд татахын тулд ард түмний цагдаагийн үүргийг гүйцэтгэж иржээ. Өнөөх хангүгийн Ким Дү Хан шиг л гэсэн үг. Архи уусан нэг нөхөр агсам согтуу тавьж гудаманд хашхичаж онгирч гүйвэл цагдаа нарт биш Бүши нартаа батируулдаг байсан гэдэг.
Улмаар шударга Бүши нарын үйлдэл буруу замруу орон Якүза хэмээх мөрийтэй тоглоомонд хэлдэг сонин үгээр нэрлэгдэн уламжлалт язгуур зарчим болох ядуу ардын төлөө биш өөрсдйин төлөө нийгэмд бузар булайг үйлдэж эхэлсэн гэдэг. Үүнээс эхлэн якүза гэдэг үгийг сонссон хүн болгоны үс нь өрвийж чих нь дэлдийж өвдөг нь чичирдэг болжээ.
Дайны дараагаар бий болсон муу үйлт Якүза нар өдйиг хүртэл Наран улсдаа нэр нөлөөгөө алдалгүй хар тамхи, хүний наймаа, элдэв шахаа, авилга, хүчирхийлэлээ хийсээр буй. Өнөөгийн Япон улсын улс төрийн 2 том намын ард 2-ууланд нь Якүзагийн 2 том бүлэг ажиллаж арын ажлыг нь хийж хуулиас гадуурхи асуудлыг нь зохицуулдаг аж. Бүр салангид бши улс төрийн нам дотор, төрийн том албан тушаалд якүзагийн гишүүн ажиллаж явдаг гэх.
Якүза нь бүлэг бүлэгээр үйл ажиллагаа явуулдаг бөгөөд зохион байгуулалт нь мод бүтэцтэй байдаг байна. Нэг том бүлэгийн доор мөчирлөн салаалсан хэд хэдэн бүлэг байх бөгөөд дэд бүлгүүдийн ахлагч л ганцаараа дээшээ харьцдаг. Бусад нь бие биенээ таних ч үгүй. Хамгийн том бүлэг нь Ямагүчи гэх бүлэг бөгөөд нийт 20.000 гаруй гишүүдтэй аж. Түүний 10 хувь нь Солонгос залуучууд байдаг гэх. Томоороо дараа нь орох бүлэглэл нь 4000 гишүүнтэй.
Одоогийн байдлаар Японы цагдаагийн газар Ямагүчи бүлэглэлийн 5 түвшинг л илрүүлсэн гэх бөгөөд цаашаа хэд ч байгааг бүү мэд гэх.


ЯКҮЗА ба АСА
------------------------------------------------
Роппонги хэмээх Токио хотын шөнийн амьдрал буцалдаг газар хар тамхи зардаг байсан нөхөр АСА-д алгадуулсанаар асуудлыг мандааж орхиж. Алгадуулсан нөхөрийн аав нь Сангийн яаманд нилээн том албан тушаал эрхэлдэг нөхөр бөгөөд Японд томоороо 2-рт ордог Якүзагийн бүлэгийн нэг дэд бүлгийн ахлагч юм гэх. Асуудал зөвхөн алгадуулсан ганц нөхөрөөр дууссангүй. АСА-г ивээн тэтгэдэг байсан Ямагүчи нь нөгөөх мафитайгаа муудалцаж эхэлсэнээр хэрэг улам хурцадмал болжээ. Ямагүчи хэмээх мафийн бүлэглэл нь Японы Ардчилсан намын арын ажлыг хийдэг. Нөгөөх нь Демократ намын арын ажлыг гүйцэтгдэг гэх.
Өнөөх алгадуулсан нөхөр зурагт хэвлэл мэдээллээр нэг ч үг хэлээгүй, нэг ч удаа царайг нь гаргаагүй бөгөөд хэрэв гаргавал асуудал улам хүндрэх байдалд орох тул нам дарж чаджээ.
АСА-г Японы улс төрийн 2 намын мафи яагаад тэгтлээ их өмөөрч булаалдав гэхээр Монголд нэвтрэх зорилготой юм байх. Японы бүх үйлдэл нь электронжсон банкны систем дунд мөнгөө угаах гэж үсээ зулгаадаг гэх. Нөгөө талаар Монголын төрөл бүрийн төсөл тэндэрт оролцож мөнгөө эргэлдүүлэх сонирхолтой аж.


-----------------------------------------
Юутай ч Япон гэх улсын цагдаа нь цагдаа шиг ажиллаж, хэнбугай нь ч тэднээс айж явдаг нь сайхан юм.

Жич: Дээрхи мэдээллүүд нь ямар нэг баттай эх сурвалж байхгүй бөгөөд элдэв блог, хэлэлцүүлэг дээрээс уншиж мэдсэнээ хураангуйлан бичив.