Нийслэл хотын маань автозамын ачаалал хэтэрснээс өглөө оройдоо түгжрэл үүсдэг, иргэдийг бухимдуулдаг болсныг шийдвэрлэх нэг арга зам бол Улаанбаатар хотын нутаг дэвсгэрт үйл ажиллагаа явуулдаг байгууллагуудын ажил эхлэх цагийг өөр өөрөөр тогтоох явдал мөн гэсэн санааг “Өнөөдөр” сонин нийтлэлээрээ дэвшүүлсэн билээ.

Асуудалд арай  мэдрэмжтэй, гярхай, ул суурьтай хандаж чаддаг Нийслэлийн төр, захиргааны байгууллагынхан иргэдийнхээ бухимдлыг багасгах арга хэмжээг өөрсдөөсөө эхлэн хэрэгжүүлэхээр шийдвэрлэжээ. Нийслэлийн харьяа бүх байгууллага, аж ахуйн нэгжүүд ирэх есдүгээр сарын 1-нээс эхлэн 08.00 цагаас ажлаа эхэлж, 17.00 цагт дуусгаж байх шийдвэрийг нийслэлийн Засаг дарга Г.Мөнхбаяр гаргаж, ИТХ-даа өргөн барьжээ.