Хүн бүхэн тохилог орон сууцтай болохыг хүсэж буй энэ үед “100 мянган айлын орон сууц” хөтөлбөрийн хүрээнд жилийн зургаан хувийн хүүтэй зээлээр орон сууцтай болох боломж бүрдэж байгааг Засгийн газар дуулгасан нь иргэдэд чимэгтэй мэдээ болоод байгаа билээ. Тэгвэл уг ажлын эхлэл болох “Шинэ яармаг” хорооллын шавыг Богд уулын ар хормойд өнгөрсөн баасан гаригт тавьж, Ерөнхий сайд С.Батболд болон манай улсад айлчлал хийсэн БНХАУ-ын Коммунист намын төв хорооны Улс төрийн товчооны байнгын хорооны гишүүн, Төв хорооны намын улс төр, хуулийн хорооны нарийн бичгийн дарга Жоу Юнкан нар оролцлоо.

1980-аад оны үед барьсан III, IV хорооллоос хойш Улаанбаатар хотод тийм хэмжээний цогц хороолол босоогүй. Харин “Шинэ яармаг” нь 15000 айлын орон сууц, сургууль, цэцэрлэг, худалдаа үйлчилгээ, эрүүл мэндийн болон 300 ажилтан бэлтгэх мэргэжлийн сургалт үйлдвэрлэлийн төвийг багтаасан иж бүрэн цогцолбор хороолол болох юм. Уг төслийг БНХАУ-ын Экспорт импор тын банкны хөнгөлөлттэй зээ лээр санхүүжүүлж, Монгол Улсын Засгийн газар, ЗТБХБЯ, Үндэсний компаниудын нэгдэл “Юнайтэд Прожектс” групп, БНХАУ-ын “Гэжоуба” групп хамтран хэрэгжүүлнэ.

Ингэснээр орчин үеийн жишиг болох шинэ орон сууцыг иргэд хамгийн бага хүүтэй, урт хугацааны моргейжийн зээлээр авах боломжтой боллоо. “Хөгжлийн банкаар дамжуулан 800 тэрбум төг рөгийн санхүүжилтийн эх үүсвэрийг шийдсэнээр ир гэд хямд эх үүсвэртэй, урт хугацааны, бага хүүтэй зээлд хамрагдах боломжтой болсон. Өөрөөр хэлбэл, иргэдэд олгож буй орон сууцны зээлийг зургаан хувьд хүргэх шийдвэрийг Засгийн газраас гаргасан. Энэ шинэ хороололд Яармагийн гэр хорооллынх ныг түлхүү оруулах бодлого барьж байгаа төдийгүй, төвийн дүүргийн гэр хорооллын иргэдээ ч боломжтой үнээр, тохилог аятайхан нөхцөлд амьдруулах таатай боломжийг Засгийн газар эрэлхийлж байна” хэмээн Ерөнхий сайд С.Батболд энэ үеэр онцлон хэлэв.