Энэ оны нэгдүгээр сарын 25-нд Монгол Улсын Ерөнхийлөгч Цахиагийн Элбэгдорж Швейцарь улсад айлчлал хийх үеэрээ Лозанн хотноо байрлах ОУОХ-ны төв байранд зочилж, Ерөнхийлөгч Жак Роггетой уулзсан юм. Уулзалтын үеэр Ерөнхийл өгч Ц.Элбэгдорж “Бээжин- 2008” олимпийн наадамд үзүүлсэн спортын бахдам амжилтаа улам бататган “Лондон-2012” олимпод шаргуу бэлдэх үйл хэрэгт бүхий л талын туслалцаа үзүүлж, олимпизмийн хөгжлийн төлөө өргөн анхаарал тавихаа илэрхийлсэн билээ.

Мөн Ерөнхийлөгч Ц.Элбэгдорж Монгол улс 2017 оны Зүүн Азийн, 2023 оны Азийн, 2040 оны Олимпийн наадмын төлөө өрсөлдөх алсын санаатай буйгаа илэрхийлж, ОУОХ-ны Ерөнхийлөгч Жак Роггетой хамт “Сонирхлын бичиг”-т гарын үсэг зурсан юм. Монгол Улсын Ерөнхийлөгч Цахиагийн Элбэгдорж энэхүү “Хамтарсан бичиг”-ийг Монголын Олимпийн музейд хадгалуулах шийдвэр гаргаж, өнгөрсөн баасан гаригт Монгол Улсын Ерөнхийлөгчийн Ахлах зөвлөх П.Цагаан МҮОХны Ерөнхийлөгч Д.Загдсүрэнд гардуулав өгөв. Энэ үеэр Ахлах зөвлөх П.Цагаан “Дэлхийн хүн төрөлхтөний энх тайван, эв нэгдэл, нөхөрлөлийн билэг тэмдэг болсон Зуны Олимпийн XXX дугаар наадам Лондон хотноо эхлэхэд нэг жилийн хугацаа үлдлээ.

Өнгөрөгч олимпоос Монголын ард түмэн од шүүрч дэлхийн дэвжээнд өрсөлдөх ч а д в а р т а й г а а харуулсан билээ. Энэ оны нэгдүгээр сарын 25-нд Лозанна хотноо Монгол Улсын Ерөнхийлөгч Цахиагийн Элбэгдорж, ОУОХ-ны Ерөнхийлөгч Жак Рогге нар нэгэн чухал “Түүхэн тэмдэглэл”-д гарын үсэг зурцгаасан юм. Энэ бол гэрээ хэлцэл биш, баримт бичиг ч биш, харин Монголын ард түмний хүсэл тэмүүлэл, мөрөөдлийг илтгэсэн, бас хэрэгжих боломжтой бодит зорилгыг агуулсан тийм үнэ цэнэтэй дурсгалын самбар юм. Наймдугаар сарын сүүлээр ОУОХ-ны Ерөнхийлөгч Монгол Улсад айлчлахаар яригдаж байгаа.

Монгол Улсын Ерөнхийл өгч ойртож буй Олимпийн наадамд өндөр ач холбогдол өгч байгаа. 2010 оны гуравдугаар сарын 23- нд Нийтийн биеийн тамир, спортыг хөгжүүлэх тухай 53 тоот зарлиг гаргасан. Энэ бол Монголд спортыг улам бүр хөгжүүлэх, эрүүл биед саруул ухаан оршоож улмаар саруул ухаанаар эх орноо хөгжүүлэн авч явах эрүүл чийрэг ирэгддтэй байх бодлого юм. Ингээд энэ “Дурсгалын самбар”-ыг Монголын Олимпийн хорооны Ерөн хийлөгч танд өргөн барьж танай музейд дурсгаж байна. Монголоос Олимпийн олон төрөлд аваргууд төрж, бас Монгол Улсад Олимпийн наадам зохиогдох болтугай” хэмээв.