Сонгуулийн тогтолцооны асуудлаарх АН, МАН-ын үл ойлголцол одоо ч үргэлжилсээр байна. Олон нийтийн хувьд пропорционалийг дэмждэг.

Сонгуулийн ерөнхий хороо www. gec.gov.mn вэб сайтаараа “Та аль тогтолцоог дэмжиж байна вэ” гэсэн санал асуулгыг 2008 оны сонгуулийн үеэс явуулж ирсэн. Гэтэл саяхнаас энэ асуулгаа тодорхойгүй шалтгаанаар зогсоожээ. Үүний учрыг мэдэх хүн байсангүй.

СЕХ-ны нарийн бичгийн дарга Ю.Содномцэрэнгээс энэ тухай утсаар лавлахад “Юу ч мэдэхгүй” гэв. Ажлын албаных нь 260975 утас руу хэчнээн залгаад ч авдаггүй юм билээ. Ер нь СЕХ-ны ажилтнууд мэдээллийн технологийн хөгжлөөс хол хоцорсон хүмүүс аж. Вэб хуудсандаа байрлуулсан хамгийн сүүлийн “шинэ” мэдээ нь 2010 оны дөрөвдүгээр сарын 5-нд тавигдсан байх жишээтэй.

Арай МАН-ын захиалгаар СЕХ санал асуулгаа зогсоосон юм биш биз. “News” mn-ийн асуулгад оролцогчдын 74 хувь пропорциональ давамгайлсан хувилбарыг дэмжсэн саналыг өчигдрийн байдлаар өгчээ.