“BBC Prom” олон улсын хөгжмийн наадам өнгөрсөн сараас эхлэн хамгийн том долоон театрын нэг Royal Albert hall –д болж буй. 1895 оноос зохион байгуулсан уг наадамд энэ жил анх удаа монгол хамтлаг оролцсон юм. Дэлхийн тайзнаа монгол хөгжмийг цуурайтуулсан “Хөсөгтөн” хамтлагийнхан өнгөрсөн бямба гаригт эх орондоо иржээ. Тус хамтлагийн ахлагч Д.Ариунболдтой холбогдлоо.
-Сайн явж ирэв үү. Хөгжмийн томоохон наадмын нэг “BBC prom” ямархуу болж өнгөрөв?
-Их Британийн хатан хааны ивээл дор зохион байгуулдаг уг наадам ирэх сарыг хүртэл үргэлжилнэ. Манай хамтлаг тоглолтоо дууссан учраас уржигдар эх орондоо ирлээ. Наадамд Лос-Анжелесын филармонийн удирдаач, хөгжимчид, өнөө цагийн шилдэг хийлч гэгдсэн Найжел Кеннеди, алдарт морин хийлч Лайн Харрел нар оролцсон. Эдгээр нэр “BBC Prom” ямар том наадам гэдгийг илтгэх болов уу. Уг наадамд монгол хамтлаг анх удаа оролцсон нь түүхэнд тэмдэглэхүйц үйл явдал гэж бодож байна.
-Монголын үндэсний хөгжмийг тэд хэрхэн хүлээн авсан бэ?
-Их Британийн томоохон наадмуудад манай хөгжимчид төдийлэн оролцож байгаагүй. Тийм ч учраас Монголын язгуур урлаг, үндэсний хөгжим тэ дэнд тун сонин, содон байсан байх. Тоглолтын маргааш тэндхийн сонинуудад бидний тухай мэдээлэл их гарсан байна билээ. Тоглолтын дараа ч хөөмий, ардын хөгжмийн тухай асуусан хүн олон байв. “BBC Prom”-ыг шуугиулсан, сонирхолтой тоглолтын нэг нь байсан болов уу.
-“Хөсөгтөн”-г тэнд байх үед дэлхийн хөөмийн холбоо байгуулагдсан. Танай хамтлаг энэхүү холбоог байгуулахад оролцсон уу?
-Бид “BBC Prom”-д оролцохоос гад на энэхүү холбоог байгуулах давхар зо рилготой явсан юм. Дэлхийн хөөмийн холбооны удирдах зөвлөлийн гишүүнээр томилогд сон. Энэ нь манай хамтлагийн хувьд төдийгүй үндэсний хөгжмийн хөгжилд түлхэц үзүүлж, дэлхийд Монголын нэрийг дуурсгах үйл хэрэг. Холбооны нээлтэд 10 гаруй орны хөөмий судлаач оролцсон бөгөөд соёлын гавьяат зүтгэлтэн, хөөмийч Д.Цэрэндаваа “Монголын хөөмийн үүсэл, гарал”, би “Монгол хөөмийн хөгжил” сэдвээр илтгэл тавьсан.
-Танай холбоо цаашид ямар ажил хийхээр төлөвлөсөн бэ?
-Хийх ажил их бий. Ойрын хугацаанд Японы NHK телевизтэй хамтран хөөмийн талаар н э в т р ү ү л э г хийнэ.
