Агаар дуслын замаар халдварладаг адууны ханиад наадмын өмнө гарч өдгөө төвийн аймгуудаар тархаж, улам газар аваад байна. Эл өвчний талаар Мал эмнэлэг үржлийн газрын мэргэжилтэн С.Баяртунгалагаас тодрууллаа.

-Хэдэн аймагт адууны ханиад тархаад байна вэ?

-Өнөөдрийн байдлаар Дорнод аймгийн Баянтүмэн, Булган зэрэг найман сум, Сүх баатар аймгийн Мөнххаан, Наран, Асгат, Халзан, Баруун-Урт, Булган аймгийн Сайхан, Могод зэрэг 11 сум, Дархан-Уул аймгийн Дархан, Хонгор, Орхон, Шарын гол сум, Дорноговь аймгийн Дэлгэрэх, Иххэт, Хатанбулаг, Хөвсгөл суманд тархаад байна. Мөн Сэлэнгэ аймгийн Жавхлант, Хушаат, Шаамар, Төв аймгийн Зуунмод, Борнуур, Сэргэлэн, Архангай аймгийн Хайрхан, Өлзийт сум, нийслэлийн ХанУул, Налайх, Сонгинохайрхан дүүрэгт эл өвчний сэжиг илэрсэн.

-Өвчилсөн адуу эдгэрэх үү. Ямар арга хэмжээ авч эхэлсэн бэ?

-Адууны томуугаар бүх насны морь өвчилдөг. Өвчин агаар дуслын замаар дамжин халдварлана. Өвчилсөн адуу, түүнд хэрэглэж байсан тоног хэрэгсэл, томуугийн вирусээр бохирлогдсон тэжээл, ус, байр, сав, жүчээ зэрэг нь халдвар тараагч болно. Ялангуяа бэлчээр ус нийлэх, адуун сүргийн хурд хүчийг сорих зорилгоор нэг дор олноор бөөгнөрүүлэх, харилцан солилцож худалдах үед өвчин дамжин халдварладаг. Өвчилсөн адууны 15-20 орчим хувь нь шууд үхэх магадлалтай. Аймаг, нийслэлийн мал эмнэлгийн байгууллагынхан адуунд шинж тэмдгийн эмчилгээ хийж байна.

-Манайд адууны ханиад өмнө нь хэзээ гарч байсан юм бол. Тархалтыг яаж зогсоох вэ?

-Уг өвчний гол зөөгч усны шувуудын байрш лаас хамаарч зарим бүс нутагт байн га, эсвэл 2-3 жилийн давтамжтайгаар гар даг. Манайд адууны томуу 1974-1975, 1983-1984, 1993-1994 онд бүх айм гийг хамарч цар тахал хэлбэрээр гарч, зургаан сараас 1.6 жил хүртэл үр гэлжилж байсан. Хамгийн сүүлд 2007-2008 онд Ховдын Булганд гарч, улмаар Монгол Улсын бүх нутгийг хамран тархаж байсан.

www.mongolnews.mn - Эх нутгийн чимээ