Их тэнгэрийн аманд хүн, мал амьтны халдварт боом өвчин гарчээ. Энэ талаарх мэдээллийг мал эмнэлгийн байгууллагынхан нууцалж байна. Хан-Уул дүүргийн Онцгой комисс уржигдар орой хуралдаж, уг өвчний талаар хэлэлцсэн аж. Энэ талаар тус дүүргийн Гадаад харилцаа, олон нийттэй харилцах албаны дарга Б.Баттулгаас тодруулахад “Би дэнд тийм мэдээлэл ирээгүй. Манай дүүргийн Онцгой комисс ч хуралдаагүй. Хэвлэл мэдээллийн хэрэгслээр буруу мэдээлэл гаргаж хэрэгт оров оо” гэв.
Харин нийслэлийн Мал эм нэлгийн газрын халдварт өвчин, мэдээ мэдээлэл хариуцсан их эмч Ц.Гантөмөр “Хөдөө ажлаар явж байгаад өчигдөр дуудагдаж шөнө ирлээ. Өвчний талаарх мэдээлэлтэй танилцаж байна. Үүнийг нарийн мэдээлэх боломжгүй. Манай эмнэлгийн даргатай ярь” гэсэн юм. Нийслэлийн Мал эмнэлгийн газрын дарга Д.Урансүрэн “Өвчилсөн малын сэг зэмийг устгаж, ариутгал халдваргүйтгэл хийсэн. Одоогоор энэ талаар мэдээлэл өгмөөргүй байна.
Онцгой байдлын ерөнхий газрынхнаас асуу” хэмээн хариулаад утсаа тасаллаа. Харин Улсын мал эмнэлэг, ариун цэврийн төв лабораторийн ерөнхий эмч Ш.Цэрэндоржоос боом өвчин мөн эсэхийг лавлахад “Лабораторийн шинжилгээгээр боом болох нь батлагдсан. Шин жил гээний хариуг Мал эмнэлэг үржлийн газар, нийслэлийн Мал эмнэлгийн газарт өгсөн. Тэд шаардлагатай арга хэмжээг авч байгаа” гэж хариуллаа.
Мөн Онцгой байдлын ерөнхий газрын Гамшигтай тэмцэх газрын дарга, комиссар С.Цогтбаатар “Боом гарсан. Хан-Уул дүүргийн Онцгой комиссын хурлаас гаргасан шийдвэрийн дагуу арга хэмжээ авч байгаа. Одоогоор ОБЕГ-т мэдээллээ ирүүлээгүй байна” гэж ярив.
