Шатахууны хомсдолоор далимдуулан нефть импортлогчид үнээ нэмж эхэлсэн. Өнгөрсөн баасан гаригаас АИ-92 шатахууны үнийг литр тутамд 50 төгрөгөөр нэмж, 1400 төгрөг болоод байсан юм. Гэтэл өнгөрөгч амралтын өдрүүдэд импортлогчид үнээ дахин нэмж, 1500 төгрөг болгожээ.

Төмөр хөлөгтэй хүмүүсийн хамгийн өргөн хэрэглэдэг уг шатахууны үнэ нэмэгдсэн нь жолооч нарт хүндээр тусаж байна. “АИ-92, А-80 шатахууны нийлүүлэлт хэвийн байгаа” гэсэн мэдээллийг ЭБЭХЯ болон Газрын тосны газраас өгч байсан ч үнэ нэмэгдсээр байна.

Улсын хэмжээнд одоогийн байдлаар А-80 шатахуун 8400 тонн, АИ-92 шатахуун 6200 тонн байгаа гэнэ. Энэ нь А-80 шатахууны 18, АИ-92 шатахуу ны 10 хоногийн нөөцтэй гэсэн үг. Харин дизель түлшний гурав хоногийн нөөц бий гэсэн.

www.mongolnews.mn - Эх нутгийн чимээ