Нийслэлийн Баянгол дүүрэгт байрлах “White House” зочид буудлын хөрөнгө оруулагч гэх БНСУ-ын иргэн Ким Пан Жаныг Интерполоор эрэн сурвалжилж байсны дагуу манай цагдаагийнхан өнгөрсөн сарын сүүлчээр баривчилсныг бид мэдээлсэн билээ. Нутагтаа 120 шахам сая ам.доллар завшсан асуудалд холбогдоод байгаа энэ хүнийг тус улсын цагдаагийнхан авч явсан юм.

Тэрбээр энэ их мөнгийг юунд зарцуулав, гадуур яригдаж байгаа шиг Сүхбаатарын талбайн урд баригдаж буй “Blue sky” төвд хөрөнгө оруулав уу гэдгийг манай тагнуул, цагдаагийн байгууллагынхан сонирхож эхэлжээ. Бидэнд олдсон мэдээллээр одоогоор албан ёсны шалгалт хийгээгүй юм байна.

Хэрэв Солонгосын хууль хяналтынхан хүсвэл Ким Пан Жаны Монголд эрхэлж байсан бизнесийг манайхан шалгах аж.

www.mongolnews.mn - Эх нутгийн чимээ