Газар
тариалангийн ажил ид эхлэхтэй зэрэгцэн Монгол Улсад дизель түлшний
хомсдол нүүрлэсэн. ХХААХҮЯ-наас хоёр, гуравдугаар сард НИК компанитай
шатахуун нийлүүлэх гэрээ байгуулсны үр дүнд гал алдах аюулаас холуур
өнгөрчээ. Гэхдээ шатахууны хомсдол газар тариалангийн компаниудад огт
нүүрлээгүй биш багагүй сандаргасан гэнэ. Энэ талаар ХХААХҮЯ-ны Тариалан
эрхлэлтийг дэмжих сангийн ажилтан М.Түвшинбаяраас тодрууллаа.
-Энэ хаврын тариалалт хугацаан даа дуусаагүйн шалтгаан нь дизель түлшний хомсдол уу?
-Монголчууд ирэх өвөл идэх хүнсээ тариалж дуусаж байна. Өнгөрсөн тав дугаар сарын 6-наас эхэлсэн та риалалтын ажил энэ жил зургадугаар сар гартал сунжирсан. Тав дугаар сарын турш цаг агаар өмнөх жилүүдтэй харьцуулахад харьцангуй хүйтэвтэр байсан нь тариалалтад нөлөөллөө. Тиймээс тавдугаар сарын 25-нд дуусгахаар төлөвлөж байсан тариалалтын ажлыг цаг агаарын нөхц өл байдлаас болж зургадугаар сарын 1 болтол хойшлуулсан.
Гэсэн ч бас л хугацаандаа дуусгаж чадаагүй. Гол шалтгаан нь шатахууны хомсдол. Үүнээс болоод үр тариа тариалж дуусгах хугацааг зургадугаар сарын 5 хүртэл сунгасан. Өнөөдрийн байдлаар 10.5 мянган га талбайд төмс тариалаад байна. Энэ нь нийт тарих ёстой төмсний 75 хувьтай тэнцэнэ. Хүнсний ногоо 4.1 мянган га талбайд тариалаад бай гаа. Уг ажил 55 хувьтай байна.
-Энэ онд улсын хэмжээнд хэчнээн мянган га-д үр тариа тариалсан бэ?
-ХХААХҮЯ-ны төлөвлөгөө ёсоор 281.2 мянган га-д үр тариа, түүнээс 276.5 мянган га-д улаан буудай тариалсан. Яамнаас гаргасан урьдчилсан тооцоогоор ургац хураалтын үр дүнд улсын хэрэгцээт буудай, төмсийг 100 хувь, хүнсний ногооны 60 хувийг хангана.
