Сэлэнгэ аймгийн Алтанбулаг сумын Ногоонтолгойд тавдугаар сарын 31-нд гарсан ойн түймрийг одоо болтол унтрааж чадаагүй байна. 12х8 км буюу 3000 орчим га талбайн ойг хуйхлаад байгаа уг түймрийг унтраахаар Сэлэнгэ, Дархан-Уул аймгийн Онцгой байдлын газрын албан хаагчид, орон нут гаас дайчилсан иргэд нийлсэн 109 хүн нэг трактор, 10 машин, бусад техник хэрэгсэлтэйгээр ажиллаж буй. Тэд бүтэн долоо хоног нүдсэний дүнд уржигдар түймрийг цурманд оруулан, тойруулан цурав татаж эхэлжээ.
Өчигдрийн байдлаар цуравдаагүй дөрөв орчим км газар үлдсэн байв. Гал сөнөөгчид орон нутгийн иргэдээр цурваа мануулаад өөрсдөө цурмыг унтраахаар ажиллаж байгаа тухай мэдээ өчигдөр Онцгой байдлын ерөнхий газарт иржээ. Ойд унанги ихтэй, шөнөдөө хүйтэн хонож буйгаас онцгой байд лын ажилтнууд болон иргэдэд хүндрэлтэй байгаа аж. Үүнээс гадна Булган аймгийн Тэшиг сумын Хужиртын эхэнд ойн түймэр гарлаа. Урин дулаан цаг айлчлаад гуравхан сар болж байхад улсын хэмжээнд 76 удаа ой, хээрийн түймэр дэгдээд байна
