Өмнөговь аймгийн Ханбогд сум-Оюутолгойн хооронд зам тавьж байсан хүмүүсээс хоолны хордлогын шинж илэрчээ. Өнгөрсөн бямба гаригт үдийн хоол идсэн 68 хүний 67-д нь халдварын шинж илэрсэн байна. Зарим хүний бие хүндэвтэр байгаа гэнэ. Иймд өчигдөр 06.00 цагт Ханбогд сум руу ХӨСҮТ-өөс тархвар судлагч, эрчимт эмчилгээний эмч, нян судлалын лабораторийн мэргэжилтнээс бүрдсэн баг онгоцоор явлаа. Мөн аймгийн Эрүүл мэндийн газраас тархвар судлагч, нян судлагч, халдвартын эмч, Мэргэжлийн хяналтын газрын байцаагч нарын бүрэлдэхүүнтэй багийг өчигдөр шөнө томилон илгээсэн байна. Тэд 07.00 цагаас газар дээр нь ажил лаж эхэлсэн гэж ХӨСҮТ-өөс мэдээллээ.
Чухам юунаас хордсоныг орон нутагт ажиллаж буй мэргэжлийн хүмүүс тогтооно. Манайд нэг дор олон хүн хамарсан хоол ны хордлого байсхий гээд л гарах болов. Өнгөрсөн оны гуравдугаар сард мөн Оюутолгойн уурхайд ажиллаж байсан 28 хүн хоолондоо хордсон. Монгол-Оросын хамтарсан III сургуулийн 127 хүүхэд, Баянзүрх дүүргийн 48 дугаар сургуулийн 40-өөд сурагч, III цахилгаан станцын нэг ээлжийн 300 гаруй ажилтан цайны газрынхаа хоолонд хордсоныг бид мэдээлж байв.
Үүнээс гадна УИХ-ын гишүүн Ш.Сайхансамбуугийн эзэмшдэг “SS” клубт байгууллагынхаа ойг тэмдэглэсэн Худалдаа хөгж лийн банк, “Сүү” компанийн нийт 1200 ажилчин хоолны хордлогын халдвар авсан. Дээрх халдварууд баталгаагүй хоол ноос болсныг мэргэжлийн байгууллага тогтоосон. Халуун дулааны улиралд ихэсдэг гэдэсний халдвар энэ зун, ирэх нам рыг дуустал дахин гарахгүй гэх баталгаа алга. “Ийм үед янз бүрийн хүнсний бүтээгдэхүүний хэрэглээ, хадгалалт, хоол бэлтгэх, үйлдвэрлэлийн технологийн горимыг мөрдөж ажиллах хэрэгтэй. Мөн шууд хэрэглэдэг жимс ногоог угаалгүй идэж болохгүй.
Түүхий, дутуу чанасан өндгөөр хийсэн хоол, мах, загас, зууш, кремтэй бялуу, нарийн боов зэрэг нь халдварын гол шалтгаан болж байгаа учир эдгээрээс татгалз” гэж ХӨСҮТ-ийн Олон нийттэй харилцах албаны дарга, клиникийн профессор Ч.Уртнасан зөвлөв. Герман болон Европын бусад орнуудад вирусийн гаралтай гэдэсний халдварт өвчин тар хаж, өчигдрийн мэдээгээр 22 хүн амиа алджээ. E-coli-гийн халдварт 2153 хүн өртсөнөөс 627-ынх нь бөөрний ажиллагаа бүрэн алдагдсан тухай гаднын хэвлэлүүд цаг тутамд мэдээлсээр байна.
Анх өргөст хэмхний савханцраас халдвар тархсан гэж байлаа. Харин өнгөрсөн ням гаригт халдвар Германы Хөдөө аж ахуйн фирмийн ногоон шошноос тархсаныг баталлаа. Тэр өдрөөс эхлэн Европын орнуудад хоол хүнсэндээ өргөн хэрэглэдэг ногоон шош хэрэглэхийг хориглосон байна. Гадаад харилцаа дээд зэргээр хөгжсөн энэ үед монголчууд ч анхаарал болгоомжтой байж, эрүүл хүнс хэрэглэхийг сануулъя.
