Ерөнхийлөгч энэ сарын сүүлчээр ОХУ-д албан ёсны айлчлал хийх гэж буй. Үүнийхээ өмнө тэрбээр бизнес эрхлэгчидтэйгээ уулзаж, хоёр орны хооронд худалдаа, эдийн засгийн тулгамдсан ямар асуудал байгаа талаар саналыг нь сонссон юм.
ОХУ-ын Ерөнхийлөгч Д.Медведевтэй уулзахдаа юу ярих, хэлэлцэх талаар нэг ёсондоо тэднээс “шипи” авсан гэх үү дээ.
Энэ уулзалтаа нээж үг хэлэхдээ Ерөнхийлөгч “Буян”-гийн Жагаад онцгойлон сануулга өгөв. “Зөвхөн саналаа хэлээрэй, дэмий улстөржих хэрэггүй.
Б.Жаргалсайхан босоод яривал өнөөдөр дуусахгүй” гэсэн юм. БНН-ын дарга Б.Жаргалсайхан энэ удаа бизнес эрхлэгчийнхээ хувиар ирсэн тул улстөржих гэж яарсангүй.
Тэрбээр “Ерөнхийл өгч сая намайг улстөржиж болохгүй гэлээ. 1990 оноос хойш улс төр ярьсаар өвчин болчихдог юм байна шүү дээ” хэмээн учирлав. Гэхдээ бүтэн өдрийн юм болсонгүй, саналаа товчхон хэлчихээд сууж, Ерөнхийлөгчийн санааг амраасан.
