Би энэ сүүлийн нэг сар дэндүү жаргалтай мөртлөө бас дэндүү гаслантай зүйлтэй учирчихлаа яаж шийдэхээ мэдэхгүй цаг хугацаа алдаад байна. Учир юу гэвэл би сар гарны өмнө гадуур явж байгаад оройтоод тэгээд зүгээр л такси барих гэсэн юм. Тэгтэл би найз залуутайгаа анх тэнд таарч танилцсан юмаа. Их эелдэг тэгсэн мөртлөө шулуухан яриатай хүн байсан. Тэр маань гадаад хүн л дээ. Үүнд л хамаг учир байна. Анх танилцаад намайг гэрт минь хүргэж өгөөд түүнээс хойш дандаа хүргэж өгдөг болсон. Өдөр болгон уулзаж хамт гадуур хооллож, зарим үед машинд нь суугаад өдөржин ажилд нь хамт явдаг. Сүүлийн үед би бараг байнга л тэднийд байх болсон, өдөржин хамт байна заримдаа хононо. Европ эрчүүд үнэхээр халамжтай юм билээ, анхаарал халамж тавина гэж жигтэйхэн. Бас нэг нууцаа дэлгэвэл бид сексийн харьцаанд амархан орсон.

Түүнд татагдаад байгаа гол шалтгаан нь энэ ч байж мэднэ. Нэг үгээр хэлбэл сексдээ үнэхээр сайн. Үнсэлт тэврэлтээс нь эхлээд л… бүхнийг гайхалтай байлгаж чаддаг. Би ямар үгээр хэлэхээ сайн мэдэхгүй байна. Түүнтэй сексдэхэд намайг бүрэн төгс тавиулж чаддаг. Миний дотор орсон юм шиг л бүх хүслийг минь мэдэрч бүх биеийг минь сэрлээр дүүргэдэг. Энд монгол эрчүүдийгээ орхигдуулж байгаан биш шүү.

Би өөрөө өмнө нь тийм ч их монгол залуутай учирч байсангүй. Тиймдээ ч энэ залуутай ийм дотно харьцаатай болоод юм үзээгүй юм шиг өдөр шөнөгүй секс хийх шахаж байгаа биз. Би өөрөө ч өмнөхөөсөө илүү нээлттэй болсоон… Түүнтэй бүхнийг туршихад бэлэн байдаг. Тэр хэлэхдээ намайг маш их үнэлж байна гэсэн би бас түүнд хүссэн сексийг хүссэн таашаалыг нь өгдөг гэж бодож байн. Одоогоор бидний энэ харьцаа яг гал халуун дээрээ явж байгаа… Би түүний бүх зүйлд л дурлаж татагдаж бас тачааддаг болсноо сайн мэдэж байна. Гэхдээ хэцүү, гадуур хамт явахад монгол хүмүүс ялангуя монгол залуус их муухай харна, зарим нь үгээр иднэ, надаас болоод найз залуу маань 2 ч удаа монгол залуустай муудалцаж зодолдоод нэг удаад нь бүр цагдаагин газар очсон. 3 хүний эсрэг нэг хүн байхад улаан цайм найз залууг маань буруутай гээд л үлдээгээд торгоод гаргасан.

Гадаад хүн болохоор нь тэр шүү дээ. Энэ нь нэг талаараа монгол хүн монгол хүнээ өмөөрч байгаа халуун сэтгэл ч гэсэн нөгөө талаараа ялгаварлан гадуурхах үзэл монголд дэндүү их байгааг харуулж байна. Үүнээс болоод бид 2 олон нийтийн газар бараг явдаггүй явбал хөтлөлцөх сугадах байтугай үнсэлцэж ч болохгүй хүмүүсийн нүд орой дээрээ гарна биз. Нэг удаа машинд нь хамт сууж байсан чинь 2 залуу машины цонх руу чулуу шидэж хагалчаад зугтсан азаар бид бэртээгүй ч дараа нь машиныхаа шилийг хар тээнтэй болгосондоо, харагдахгүй гэж.

Одоо бидний эрх чөлөөтэй дураараа байдаг газар бол найз залуугийн маань гэр. Тэнд л хүссэнээ хийнэ хүссэнээрээ бие биедээ эрхлэж тоглоно. Бид хамт байхдаа үргэлж инээсээр байгаад л таардаг үргэлж сайхан зүйлсийн талаар ярилцдаг. Би одоо түүнд хайртай болсон гэхгүй ч энэ байдлаар удвал би дасна сайн болно гэдгээ мэдэж байна. Уулзахгүй байхаар бачимдаад хэн хэнрүүгээ тэмүүлсээр байгаад өдөр бүр л уулзаж байна. Энэ хүн надад бас их сайн, гэхдээ би дотор нь орж үзээгүй болохоор итгэлгүй байна. Найз залуу маань Европын олон орноор явж герман, орос хэд хэдэн жил амьдарч байсан. Энд нилээн дажгүй ажил урилгаар хийдэг. Царайлаг байрын, бие хаа сайтай цэнхэр нүдтэй европ залуу.

Гэхдээ би шувуунд дурлаж болохгүй биздээ. Дэвэн дэлхийг тойрч хаа ч мэдэхгүй газраас гэнэт л гараад ирсэн хүн нэг л өдөр, хэзээ нэгэн цагт ирсэн газар луугаа нисээд яваад л өгнө. Би харин үүрэндээ ганцаараа үлдэнэ, орхигдоно. Ингэж бодохоор дотор харлах шг л болох юм. Танилцаад удаагүй болохоор гэрлэлт энэ тэрийн талар юу ч яриагүй л дээ, гэхдээ тэр өмнө нь олон сайхан хүүхнүүдтэй учирч байсныг нь би сайн мэднэ, орос, энэтхэг… тэгээд бүр африк хүүхэн ч байсан гэсэн.  Зургийг нь ч би үзсэн. Харин монголд ирснээс хойш анхнынх нь Асиа хүүхэн нь би байсан. Нэг л удаа надад монгол эхнэртэй болж болох юм байна гэж зухас хэлсэн, наргиа байсан уу үнэн байсан уу, надад хандаж хэлсэн уу үгүй юу бүү мэд…

Би лавлаж асуухаас айсандаа юу ч хэлээгүй өөр зүйл ярьсан. Сексийн тал дээр миний зүрх сэтгэлийг бүрэн эзэмдсэн бас магадгүй сэтгэлийг минь өөртөө нууцаар татаад байгаа энэ харийн залууг би яах вэ? Ингээд байгаад байвал өөрөө нэг өдөр хаягдаж үлдэх уу? Эсвэл энэ харьцаа маань хайр дурлал бүр гэр бүл болно гэж найдаад итгэд үзээд алдах уу? Эсвэл шууд холбоогоо таслаад усанд хаясан чулуу болох уу? Яах вэ? Би өөрөө одоо нэгэнт сайн болсон болов уу? Уулзаж өдөржин байсан хэрнээ дахиад л хамт баймаар санагдаад байх юм… Би яах вэ?