自动登录
hi manaihan jiremsnii ued avdag shinjilgeenuudiig daraallaar ni /sartai ni/ solongos mongoloor ni neg burchlen bicheed uguuch.bayrlalaa
hi manaihan jiremsnii ued avdag shinjilgeenuudiig daraallaar ni /sartai ni/
solongos mongoloor ni neg burchlen bicheed uguuch.bayrlalaa
2011.05.08 13:48:31 *.199.207.124
Цус багадалтыг шинжлэх
Цусан дахь гемоглобулины хэмжээг тодорхойлж, цус багадалт байгаа эсэхийг тодорхойлно.Эмэгтэй хүн нь сарын тэмдэг,жирэмслэлт зэргээс болж цус багадалтын шинж тэмдэг илрэх боловч жирэмсэн эхэд төмрийн хэрэгцээ их учир хоол хүнсээр авах төмрийн хэмжээ дутагдалтай тул заавал төмрийн бэлдмэл уух хэрэгтэй.
В хэлбэрийн вирусээр үүсгэгдсэн элэгний үрэвсэл байгаа эсэхийг шинжлэх
Вирусын гаралтай элэгний үрэвсэлт өвчнөөр өвчилсөн буюу өвчтэй эмэгтэй жирэмсэлсэн тохиолдолд урагт халдварлах тул вирусын гаралтай элэгний үрэвсэлт өвчин байгаа эсэхийг шинжлэх хэрэгтэй.
Тэмбүүний шинжилгээ
Жирэмсэн эмэгтэй тэмбүүгээр өвчилсөн тохиолдолд ураг нь төрөлхийн тэмбүү өвчний халдвар авах магадлал өндөр болно.Тэмбүү өвчинг жирэмсний эхний үед илрүүлсэн тохиолдолд төгс эмчлэгдэх боломжтой.
Цусны бүлэг тодорхойлох шинжилгээ
Цусны бүлгээ тодорхой сайн мэдэж байх нь амь насанд аюул тулгарсан үед яаралтай цус юүлэхэд хэрэгтэй болно.Цусны бүлэг тодорхойлох шинжилгээ нь АВО бүлэг ба резус фастор (Rh) тодорхойлох гэсэн 2 хэлбэртэй.Хэрвээ эмэгтэй нь сөрөг резус фастор (Rh-)тай эрэгтэй нь эерэг резус фастор (Rh+)тай байх үед эхийн биед үүссэн эсрэг бие урагт нэвтрэн орж, ургийн цусны улаан бөөмыг задалснаар цус багадалт, шарлалт зэрэг өвчин үүсч болно.
Салхин цэцгийн шинжилгээ
Биеийн эсэргүүцэл муу жирэмсэн эмэгтэй нь жирэмсний эхний явцад салхин цэцгийн халдвар авбал гаж согогтой хүүхэд төрөх магадлал нь 80 орчим хувьтай болно.Иймд жирэмсэн болохын өмнө урьдчилан сэргийлэх тарилга тариулах нь чухал болно.
Токсоплазмын шинжилгээ
Токсоплазм нь муур,нохой зэрэг амьтанд шимэгчлэн амьдрагч шимэгч хорхой шавьж болон мах, хоол хүнс, гэрийн тэжээмэл амьтны ялгадас зэргээр халдварлагддаг.Насанд хүрсэн хүмүүст аюул багатай ч бага насны хүүхэд нь хүндээр өвчлөх ба жирэмсний эхний 1-3сартайдаа токсоплазма өвчний халдвар авсан тохиолдолд ураг нь дутуу жинтэй, шарлалттай өндөр халуурдаг өвчин ба түүнчлэн мэдрэл сэтгэцийн өсөлтөнд саатал үүсэх, хараа муудах зэрэг өвчин тусах магадлал өндөр болно.Токсоплазмаас урьдчилан сэргийлэх хамгийн сайн арга нь жирэмсэн үедээ гэрийн тэжээмэл амьтантай ойр байхаас зайлсхийх хэрэгтэй.Шимэгч хорхой нь түүхий мах болон дутуу болсон маханд байх тул заавал махыг гүйцэд болгож идэх хэрэгтэй.Түүхий маханд хүрсэн тохиолдолд гараа угааж урьдчилан сэргийлэх хэрэгтэй.Түүнчлэн гэрийн тэжээмэл амьтан тэжээж байгаа бол цэцэрлэгийн зүлэг ногоо зэргийг цэвэрлэх үедээ амьтны ялгадасанд хүрч болох тул заавал гартаа бээлий хийх ба гараа сайн угаах хэрэгтэй.
Гаж согогтой хүүхэд төрүүлэхээс урьдчилан сэргийлэх шинжилгээ
Салст бүрхэвчийг шинжлэх шинжилгээ
Умайн хүзүүгээр дамжин ургийн ихэсийн хэсгээс авч шинжлэх ба ургийн хромсомын бүтцэд өөрчлөлт байгааг тодорхойлох шинжилгээ юм.
Triple test
Ихэвчлэн жирэмсний15-17 долоо хоногтой эмэгтэйн цусны шинжилгээгээр урагт Даун синдром, мэдрэлийн саатал байгаа эсэхийг мэдэж болдог. Triple test нь жирэмсэн эхийн цусны шинжилгээнд MSAFP,UF3,Hcg-ыг тоолж өөрчлөлт байгаа эсэхийг тодорхойлно.
Ургийн ус шинжлэх
Ургийн ус шинжлэх шинжилгээ нь жирэмсний 15 долоо хоногоос эхлэн хийх боломжтой болно.Жирэмсэн эхийн хэвлийг зүүгээр хатгаж, ургийн усыг соруулан авч ургийн хромсомын бүтэцэд өөрчлөлт байгаа эсэхийг шинжилнэ.Шинжилгээний хариу нь 3долоо хоногийн дараа гарах муу талтай ч сүүлийн үед их өргөнөөр хэрэглэх болсон.Ургийн усны шинжилгээг голдуу 35аас дээш насны жирэмсэн эмэгтэй, урьдах төрөлтөндөө дауны синдром болон гаж согогтой хүүхэд төрүүлж байсан жирэмсэн эмэгтэйд хийдэг болно.