Хүүхэд залуустаа сайхан
мэдээ дуулгая. Үндэсний соёл амралтын хүрээлэн ажиллахаа больсноос хойш
жилдээ ганц болдог хүүхдийн баяраар багачууд Сүхбаатарын тал бай хавиар
эргэлдэж, чихэр шоколаданд хууртаад буцдаг болсон. Тэгвэл энэ жил удтал
хүлээсэн парк ашиглалтад орж, хүүхэд багачууд маань хүссэн тоглоомоороо
ханатлаа тоглох боломжтой болох нь ээ. “Нүүрээ угаасан” паркт бүхий л
насныханд зориул сан тоглоом суурилуулсан тул гэр бүлээрээ ирэхэд
тохиромжтой.
Испани, АНУ, Хятад зэрэг орноос чанар, стандартын шаардлага хангасан тоглоомууд авч суурилуулсан гэсэн. Үнэхээр товлосон хугацаандаа ашиглалтад орж, хүүхэд бага чуудыг баярлуулах эсэ хийг тодруулахаар паркыг зорилоо. Үндэсний соёл амралтын хүрээлэнд очиход тохижуулах ажил ид өрнөж байв. Хүүхэд насны минь дотно найз хуучин парк зүсээ гоёж, шинэ тоглоомтой болсон нь хамгийн түрүүнд нүдэнд туслаа.
Тухайлбал, “Сансрын хөлөг”, “Уран жолоодлого”, “Далайн дээрэмчин” зэрэг сонирхолтой тоглоомоор парк бүл нэмжээ. Зарим тоглоомоо суурилуулж дуусаагүй байлаа. Гялгар, гэрлээр чимсэн тоглоом цөөнгүй харагдана. Соёл амралтын хүрээлэн хоёр долоо хоногийн өмнөөс үйл ажиллагаагаа эхлүүлсэн байна. Шинэчилж байгаа нэрийдлээр таван жил хаалгаа цоожилсон парк маань энэ жил хүүхдүүдийг баярлуулж үүдээ нээжээ. Харин албан ёсных нь нээлт долдугаар сард болно.
Үндэсний соёл амралтын хүрээлэнгийн маркетингийн менежер Э.Халиунаагаас дараах зүйлийг тодрууллаа.
-Нэг тоглоомоор тогло ход хэдэн төгрөгийн төлбөртэй вэ?
-Паркын тоглоомуудын төлбөр ижил, 4000 төгрөг. Одоогоор 11.00- 21.00 цаг хүртэл ажиллаж байгаа. Аттракцион тоглоом, “Эргэдэг дельфин”, “Агаарын дугуй”, “Мэлхий үсрэлт”, “Динозавр”, “Мөргөлддөг машин”, “Галзуу хулгана,” “Сансрын хөлөг” зэрэг 10-аад тоглоом ажиллаж байна.
-Бүх тоглоомоо шинэ чилсэн үү?
-Хуучин паркын зарим тоглоом хэвээрээ байгаа. Шинээр залуучуудын тоглох дуртай “Сансрын хөлөг”, “Саран савлуур”, “Далайн дээрэмчний онгоц” гэх мэт тоглоом авчирсан. Ер нь зөвхөн амралтын өдрүүд ч гэхгүй бусад үеэр ч хөл хөдөлгөөн ихтэй байна.
-Худалдаа үйлчилгээ явуулж байгаа юу?
-Түргэн хоолоор үйлчилж байна. Мөн талбай дээр явуулаар дөрвөн төрлийн хоол, хүнсний янз янзын бүтээгдэ хүүн борлуулж байгаа гэв. Өнгөрөгч баасан гаригт буюу дөрөвдүгээр сарын 15-нд “Бонгын ертөнц” нэртэй ур чадвар сорьсон тоглоомын төв албан ёсоор нээжээ. Энэ долоо хоногийн баасан гаригт 50 гаруй тоглоомтой автомат тоглоомын төвийг ажиллуулж эхлэх гэнэ. “Галзуу хулгана” гурван замтай байсан бол одоо зургаан замтай болж, олон хүүхэд зэрэг суух боломж бүрджээ.
Шинээр суурилуулсан алсыг харагч өмнөхөөсөө 10 метр өндөрсөж, нийслэлийг 45 метрийн өндрөөс тольдох бололцоотой болох нь. Үүнээс гадна онч мэргэнээ шалгахыг хүсэж байвал нэг байшинд нь буу, дартс гэх мэт тоглоом бий. Харин нөгөөд нь бөмбөг шидэж оноо цуглуулах тоглоомууд суурилуулжээ.
