Número de documentos 3,329
Хаврын ээлжит цэрэг татлага улсын хэмжээнд өчигдөр эхэллээ. Энэ удаагийн татлагад цэргийн насны 15 мянган иргэн хамрагдах бөгөөд орон нутагт хамгийн түрүүнд эхэлж буй гэнэ. Эр цэргийн албыг 18-25 насны иргэн өөрийн биеэр, эсхүл дүйцүүлэн хааж болдог.
Дүйцүүлэн хаахын тулд мөнгөн төлбөр буюу тухайн иргэн нэг удаа хоёр сая гурван зуун мянган төгрөг төлөх аж. Мөн энэ тохиолдолд тухайн иргэн өөрийн харьяа орон нутагт 150-иас доошгүй хоногийн хугацаанд байгалийн гамшигтай тэмцэх зэрэг олон нийтийг хамарсан ажилд идэвхтэй оролцох ёстой гэнэ.
Цэргийн албанаас зарлан дуудсан үед хүндэтгэх шалтгаангүйгээр очихоос зайлсхийсэн бол Захиргааны хариуцлагын тухай хуулийн дагуу 10-50 мянган төгрөгийн торгууль ногдуулах юм байна.
