“Киви”
хамтлагтай хийсэн продюссер Б.Ангирмаагийн хамтран ажиллах гэрээ энэ
жил дуусаж байгаа. Энэ үед хамтлагийн гишүүд гадагшаа явж суралцах
талаар ам алдсанаас хамтлаг тарж магадгүй гэсэн сураг гараад байгаа. Энэ
асуултад хариулт авахаар Намуунаагийн 8800... дугаар руу залгахад
“Эхлээд Ангирмаа эгчээс зөвшөөрөл авах хэрэгтэй” гэв. Ингээд продюссер
Б.Ангирмаатай холбогдлоо.
-Сайн байна уу, “Утасны анд” ярьж байна аа. Тэрбээр эмчтэй уулзаж байсан тул хэсэг хугацааны дараа дахин залгаж, хэдэн зүйл тодрууллаа.
-За хө, чи юу асуух гээд байгаа билээ?
-Сүүлийн үед “Киви” хамтлаг тарах гэж байна гэсэн мэдээлэл гарах болсон. Үнэн үү?
-Хамтлаг тараагүй.
-Та нарын гэрээ дуусаж байгаа гэсэн. Гэрээгээ сунгах уу?
-Одоохондоо гэрээ арай ч дуусчихаагүй байна. Сунгах эсэхийг одоо хэлэх боломжгүй. Энэ бол хамтлагийн дотоод асуудал.
-“Киви” хамтлагийн ахлагч Ука бие даасан цомог гаргаж байгаа гэл үү?
-Ука бие даасан цомог гаргахаар ажиллаж байгаа. Намуунаа, Агий бид хэд тэр тусалж байгаа.
-Өөр сонин сайхан юу байна вэ?
-Хамтлагийн охид уран бүтээлээ хийж байна. Маргаашаас (өнөөдөр) шинэ клипний зураг авалтад орно. Тавдугаар сард БНХАУ руу тоглолтоор явах төлөвлөгөөтэй байгаа.
