МУЗН, “Оюуны дархлаа” ТББ-аас өчигдөр сэтгүүлчдэд ХДХВ-ийн сүүлийн үеийн мэдээллийг танилцуулсан юм. Сүүлийн жилүүдэд БЗХӨ болоод ХДХВ-ийн халдвараас урьдчилан сэргийлэх мэдээ мэдээлэл, халдвартай иргэдэд чиглэсэн хандлага эерэг, хүртээмжтэй болсныг хэвлэл мэдээллийн хэрэгслүүдэд хийсэн судалгаанаас ажигласнаа тус байгууллагынхан ярив.
Одоогийн байдлаар ХДХВ-ийн халдвартай нь тогтоогдсон 90 иргэн байгаагийн 90 орчим хувь нь 20-45 насныхан бөгөөд 71 нь эрэгтэй аж. Харин эмэгтэйчүүдийн 11 нь биеэ үнэлэгч гэнэ. Өөрөөр хэлбэл, эдгээр эмэгтэй олон хавьтагчтай, тэднээс хэдэн ч хүн ХДХВ-ийн халдвар авсан байх магадлалтай юм. Хэдийгээр сайн дурын шинжилгээ өгөх хүний тоо олширсон ч ХДХВ-ийн халдвар авсан байж мэдэх эрсдэлт бүлгийнхэн буюу эмзэг давхаргын, орон гэргүй, тэнэмэл иргэд шинжилгээнд хамрагддаггүйг албаны хүн ярьж байсан юм.
ХДХВ/ДОХ-той иргэдийн 61 нь Улаанбаатар хотод, дөрөв нь гадаадад, 12 нь орон нутагт амьдардаг гэнэ. Халдвар тээгчдийн 60 нь Монголд, 24 нь гадаадад амьдарч байх хугацаандаа, тав нь манай улсад амьдарч байсан гадаадын иргэдээс халдвар авсан байх магадлалтай аж. Харин манайд амьдарч байсан гадаадын 11 иргэнээс ХДХВийн халдвар илэрч, одоо нэг нь Монголд байгаа аж.
ХДХВ-ийн халдвартай зургаан эх амаржсаны гурван эхээс хүүхдэд халдвар дам жихаас сэргийлэх арга хэмжээ авч, халдвартай эхээс төрсөн гурван хүүхэд ХДХВийн халдваргүй, эрүүл бойжиж байгаа аж. Он гарснаас хойш төрсөн хоёр хүүхэд халдвар авсан эсэх нь одоогоор тогтоогдоог үй байгаа бол хэдэн жилийн өмнө нэгэн халдвартай эх эмнэлгийн үзлэг шинжилгээнд хамрагдалгүй төрсний улмаас хүүхдийг халдвараас сэргийлж чадаагүй байна. ХДХВийн халдвар авсан 90 хүний 12 нь хорвоогийн мөнх бусыг үзүүлжээ.
