Монгол Улсаас Европын Холбооны (ЕХ) гишүүн орнуудад суугаа ДТГ-уудын худалдаа, эдийн засгийн асуудал эрхэлсэн ажилтнуудын анхдугаар зөвлөлдөх уулзалт Брюссель хотноо амжилттай зохион байгуулагдлаа. Уулзалтад Монгол Улсаас Европын Холбооны гишүүн орнуудад суугаа худалдаа, эдийн засгийн асуудал хариуцсан ажилтнуудаас гадна Турк Улсад суугаа ДТГ болон Женев дэх БТГ-аас төлөөлөгчид мөн оролцлоо.
Шинэчлэн батлагдсан Гадаад бодлогын үзэл баримтлалд ЕХ-г албан ёсоор “гуравдагч хөрш” хэмээн албан ёсоор тусгасан бөгөөд 2010 оны байдлаар Монгол Улс ЕХ-ны нийт 27 улстай 520 гаруй сая ам.долларын худалдаа хийсэн байна. ЕХ нь Монгол Улсын худалдааны гурав дахь, манай экспортын хоёр дахь түнш бөгөөд мөнхүү экспортын барааны томоохон зах зээл болж хөгжив. Манай улсын экспортын хувьд ноос, ноолуур, сүлжмэл, үслэг эдлэлийн бараа, бүтээгдэхүүн, импортын хувьд машин, тоног төхөөрөмж, багаж, техник хэрэгсэл тэргүүлж байна.
Брюссель дэх ЭСЯ-наас зохион байгуулсан энэхүү уулзалтын үеэр дипломат ажилтнууд Европын Холбооны үйл ажиллагаа, өнөөгийн байдал, чиг хандлагын талаар газар дээр нь танилцаж энэхүү өвөрм өц институцтэй хэрхэн хамтран ажиллах, хоёр талын хамтын ажиллагааг үр ашигтай хөгжүүлэх, ажлын уялдааг сайжруулах талаар дэлгэрэнгүй мэдээлэл солилцож, санал бодлоо хуваалцав.
Монгол Улс ЕХ-ны “GSP+ Хөнгөлөлтийн Ерөнхий Систем”- д хамрагддаг бөгөөд энэх үү системийн хүрээнд хамрагдах бүтээгдэхүүний тоог нэмэх, зах зээлийг нь өргөж үүлэх болон хоёр талын харилцааг шинэ төвшинд хүргэх, удахгүй эцэслэн гарын үсэг зурах Түншлэл, хамтын ажиллагааны хэлэлцээрийг (ТХАХ) амьдрал дээр хэрхэн үр дүнтэй хэрэгжүүлэх талаар мөн хэлэлцэв.
Энэхүү уулзалтад Брюссель хотноо байрладаг Олон Улсын ноос, нэхмэлийн байгууллагын (IWTO) Ерөнхий захирал Х.Куффнер урилгаар оролцож, Монголын ноос, ноолууран түүхий эд, бүтээгдэхүүний чанар, тэдгээрийг ЕХ-ны зах зээлд гаргах, Монголын гэсэн өвөрм өц брэнд бий болгох боломжийн талаар мэргэжлийн зөвлөгөө, мэдээлэл өгсөн юм.
Монгол Улс нь Европын Холбооны “зах зээлийн бус эдийн засагтай орнуудын жагсаалтаас” хасуулах тухай хүсэлтээ айлын талд өмнө нь уламжилж байсан бөгөөд энэ хүрээнд ЕХ-ны зүгээс үнэлгээ хийх багц асуултуудад хариулах ажлыг ГХЯ-ны Гадаад худалдаа, эдийн засгийн хамтын ажиллагааны газар нэгтгэн гүйцэтгэсэн бөгөөд газрын захирал Г.Жаргалсайхан дээрх асуултуудын хариуг ЕК-ын Худалдааны Ерөнхий газрын Алс дорнодтой харилцах хэлтсийн дарга А.Парентид зөвлөлдөх уулзалтын үеэр гардууллаа.
Ийнхүү Монгол Улсыг ЕХ-ны зүгээс Зах зээлийн статустай орон хэмээн хүлээн зөвшөөрөх асуудал ЕХ-ны хүрээнд албан ёсоор хэлэлцэгдэж эхэллээ гэж Гадаад харилцааны яам мэдээллээ.
