Moderator: mgl_300
<<<МИАТ---СОЛОНГОСЫН ОНГОЦ---ЭНЭ ҮНЭН ҮҮ ??? ХҮМҮҮСЭЭ !!!!!!!!
Уншсан 904 vote 0 2011.03.31 17:40:45МИАТ компаниар үйлчлүүлэхийг хэд хэдэн удаа хүссэн ч тус компанийн ажилчид суудал дүүрсэн гэх хариу өгдөг болжээ. Бүр маргааш, нөгөөдрийнх нь нислэг ч суудалгүй болсон хэмээн мэдүүлдэг гэнэ. Яаралтай ажилтай яваа иргэд билетийн кассын ажилтнаас ямар нэгэн аргаар ганц суудал олж өгөхийг хүсэхэд "Билетийн мөнгөн дээр илүү хэдэн төгрөг төлбөл яахав бодож болох л юм" гэх хариуг нэгэн иргэн сонссон хэмээн гомдоллов. Энэхүү яриа үнэн эсэхийг тодруулахаар МИАТ компанийн үйлчлүүлэгч Т.Ганболдтой ярилцлаа. Тэрбээр тус компанийн байнгын үйлчлүүлэгч бөгөөд сар бүр БНСУ, Япон руу явж автомашин оруулж ирдэг гэнэ.
-МИАТ-ийн үйлчилгээнд иргэд сэтгэл дундуур байдаг. Та МИАТ-ээр байнга үйлчлүүлдэг хүн. Уг шүүмжлэл хэр бодитой вэ?
-Би Солонгос, Япон улсаас сар бүр машин татдаг ухаантай. Тэгээд хүний нохой идэхээр өөрийн нохой ид гэдэг шиг МИАТ-ээр байнга үйлчлүүлдэг юм. Үйлчилгээг нь харвал Солонгос, Япон улсын авиа компаниар үйлчлүүлмээр л байдаг юм. Гэхдээ оруулж байгаа миний бага ч гэсэн мөнгө эх орны минь хөгжилд нэмэртэй байх гэж бодоод МИАТ-ээр үйлчлүүлдэг. Гэтэл сүүлийн үед хэрээс хэтрээд байна. Билет авах гээд очихоор байхгүй гэнэ. Тэгэхээр ажилчдаас нь гуйхаар билетийн мөнгөнөөс гадна мөнгө төлөөд яв гэх юм. Түүнийг нь төлөөд онгоц руугаа орохоор бараг л хүн байхгүй нисээд байх боллоо. Сүүлийн хоёр жилд л ийм болчихоод байгаа юм. Ямар учраас ийнхүү суудалтай байж ингээд байгааг нь мэдэхгүй байна. Үүний цаана асар том бодлого явж байгаа байх гэж хардаад байгаа юм. Манай улсын онгоц арав гаруй хүн дутуу байж суудалгүй болчихсон гээд нисэж байхад Солонгос улсын онгоц бүх суудал нь дүүрэн нисэж байх жишээтэй. Хүнгүй явж байгаа суудлыг нь тооцоолж үзсэн чинь аймаар их мөнгөний алдагдалд орж байгаа юм билээ.
-Та алдагдлыг нь тооцож үзсэн юм уу?
-Үгүй ээ. Нарийвчилж гаргасан зүйл байхгүй. Ямар ч байсан явах болгонд арав гаруй суудал дутуу явдаг юм билээ. Миний гаргасан тооцоогоор дөрвөн хүн дутуу нислээ гэж бодоход сард 84 сая төгрөгийн алдагдалд орж байгаа юм билээ. Харин үүнийг жилээр тооцвол найман тэрбум гаруй төгрөгийн алдагдал хүлээж байна гэсэн үг. Онгоцоор нисэх хүсэлттэй иргэд байгаад байдаг. Нисэх гэж байгаа онгоц нь суудалтай байхад ямар учраас ингээд байгаа нь ойлгомжгүй байгаа юм.
-Та хамгийн сүүлд хэзээ МИАТ компаниар үйлчлүүлсэн бэ?
-Энэ сарын 18-нд БНСУ руу ниссэн. Тав хоночихоод эргээд нисэх гэсэн чинь суудал байхгүй гэдэг юм байна. Тэгэхээр Монгол руу хамт ирэх ёстой байсан нэг залууд энэ сарын 31-нд ирэх тасалбар авч өгчихөөд тэнд нь байрлах буудлын мөнгө үлдээгээд ирсэн. Мөн өөр нэг хүнд тасалбарын үнээс гадна 140 мянган төгрөг өгч байж арай гэж онгоцонд суулаа. Гэтэл 16 суудал хүнгүй хоосон явж байна. Тэр үед МУ-ын Ерөнхий сайдын айлчлалаар явж байсан багийнхан буцаж байхад нь таарсан. Үлдээсэн залуу маань хэл мэдэхгүй, газар мэдэхгүй. Хэд хоног буудалдаа гарахгүй байж байгаад л ирэхээр болсон. Энэ талаар МИАТ компанийн санал хүсэлтийн хайрцганд хийчихсэн. Гэтэл өчигдөр над руу МИАТ-ийн нэг ажилтан ярьж байна. "Танд баярлалаа. Үнэн зөв мэдээлэл өгсөнд. Та мөнгөө ирж аваарай. 140 мянган төгрөгийг чинь авахгүй болсон шүү" гээд утсаар ярьж байна лээ. Гэхдээ Солонгос улсад үлдээсэн залуугийн нэр дээр нэг чингэлэг ачаа ирэх ёстой байсан юм. Гэтэл түүнийг ирэхээс нааш чингэлгийг "Туушин" компани өгөхгүй гээд бараагаа авч чадахгүйд хүрээд байна. Хугацаандаа чингэлгээ аваагүй гээд нэлээд мөнгөөр торгуулж бараагаа авна. Ийм юм болчихоод л аргаа бараад явж байна. МИАТ компаниас үүдэлтэй ийм хүндрэл надаас гадна хэдэн хүнд тулгарч байгааг мэдэхгүй байна. Шалгаж, хянадаг газар байдаг л баймаар юм.