Үндэсний статистикийн хорооноос Монгол Улсын иргэдийн дунд цаг ашиглалтын судалгаа хийж байна. 2002 онд уг судалгааг туршилт маягаар явуулж, 2004 онд Статистикийн тухай хуульд оруулсан нэмэлт, өөрчлөлтөөр дөрвөн жил тутамд зохион байгуулахаар заасан юм.
Дөрвөн жилийн өмнө хийсэн судалгаанд улсын хэмжээнд 3200 өрх хамруулсан бол өнөө жил Дорнод, Дундговь, Сүхбаатар, Увс, Хөвсгөл, ДарханУул аймаг, нийслэлийн төвийн зургаан дүүргийн 4000 өрхийг оролцуулахаар төлөвлөжээ.
Уг судалгаагаар гэр бүлийн хөдөлмөрийн хуваарилалт, хөлстэй болон хөлсгүй хөдөлмөрт хүн амын зарцуулж байгаа цагийг гаргахаас гадна монголчуудын амьдралын хэв маягийг тодорхойлох юм. Цаг ашиглалтын судалгаанд шаардлагатай мэдээллийг энэ оны гурав, зургаа, ес, арванхоёрдугаар сард цуглуулна. Нэгдүгээр улирлын мэдээлэл цуглуулах ажил Улаанбаатар хотод гуравдугаар сарын 22-нд, орон нутагт 25-нд эхэлжээ.
Өрхийн 12 ба түүнээс дээш насны гишүүд 24 цагт юу юу хийж, үүнд хэр хугацаа зарцуулсныг нь тодорхойлно. Судалгаанд хамруулах өрхийг түүврийн аргаар сонгодог тул хэний ч хаалгыг тогшиж магадгүй гэнэ.
