Нийслэлийн
хүүхдийн төлөө газраас хараа хяналтгүй, тэнэмэл хүүхдүүдийг илрүүлж,
тэдний байршил, хоноглож буй газруудыг тогтоохоор ажиллаж байна. Тус
газрын ажилтнууд дүүргүүдийн Цагдаагийн хэлтсийн хүүхдийн байцаагч
нартай хамтран, хүүхэд хоноглодог, гуйл гагуйдаг цэг, траншей, РС
тоглоомын газруудыг шалгаж, тэнд байгаа хүүхдүүдийг бүртгэж эхэлжээ.
Харж хандах хүнтэйг нь ар гэрийнхэнд нь өгч, гэрийнхээ хаягийг мэдэхгүй, асран хамгаалагчгүй жаалуудыг Хүүхдийн хаяг тогтоох төвд шилжүүлж байгаа аж. Үүний зэрэгцээ хүүхэд орогнодог, орогнуулдаг газ руудыг баримтжуулан авч, судалгаа гаргах гэнэ. Гуйлга гуйж буй, гар дээрээс худалдаа хийж байгаа багачуудын эцэг, эхтэй уулзаж, хүүхдээр хөдөлмөр эрхлүүлэхгүй байлгах талаар арга хэмжээ авах юм.
Хүүхдүүдийг зүгээр л “Дахиж битгий ингээрэй” гээд явуулчихгүй. Араас нь байнга хянаж, дахин буруу за маар алхахгүй болгохоор зорьж байгаа гэсэн. Тэднийг уруу татаж буй газруудыг хаах, үйл ажиллагааг нь бүрмөсөн зогсоох, траншейнуудыг тагтай болгох талаар холбогдох байгууллагуудад танилцуулан, дорвитой арга хэмжээ авахуулах аж.
